Артыкулы: Радзівіл Ян (?—1542)

Радзівіл Ян (?—1542), дзяржаўны дзеяч ВКЛ. Сын канцлера М.Радзівіла. У 1516—21 ваяваў супраць Тэўтонскага ордэна. Падчашы ВКЛ з 1517, дзяржаўца маркаўскі ў 1520—34 і васілішскі з 1523, стараста бельскі з 1522 і жамойцкі з 1535. Уваходзіў у склад камісій па размежаванні ВКЛ з Мазовіяй (1529), Прусіяй (1532) і Інфлянтамі (1540—41). У 1530—40-х г. трыумвірат у складзе Р., яго дзядзькі Ю.Радзівіла і А.Гаштольда фактычна кіраваў ВКЛ у час адсутнасці ў дзяржаве Жыгімонта І Старога. Удзельнічаў у вайне супраць Маскоўскай дзяржавы 1534—37. Валодаў маёнткамі ў Літве і на Падляшшы. У шлюбе з Ганнай Косцевіч меў 3 дачок. З яго смерцю згасла мужчынская лініі Радзівілаў — князёў «на Ганязі і Райгорадзе».

© Валерый Пазднякоў, 2006

Надрукавать Надрукаваць без ілюстрацый
Дадаць меркаванне

Ю.А.Ябланоўскі

Пячатка Вітаўта

План Віцебска. З кнігі: Памятная книжка Витебской губернии на 1865 год. Издана Витебским губернским статистическим комитетом. Под редакциею А.М.Сементовского. СПб., 1865.