Артыкулы: Сулістроўскі Тадэвуш

Сулістроўскі Тадэвуш (каля 1745—15.9.1791) — дзяржаўны дзеяч Рэчы Паспалітай.

З шляхецкага роду герба «Любіч».

Бацька: Міхал (?—да 6.3.1761), стольнік ашмянскі. Маці: Іаана з Білевічаў (?—не пазней 1790). Брат: Ігнацій.

У 1764 удзельнічаў у абранні на трон Станіслава Аўгуста Панятоўскага. Далучыўся да Барскай канфедэрацыі. З 1776 шамбялян Станіслава Аўгуста Панятоўскага. У 1781—1782 член задворнага асэсарскага суда, у 1782—1784 і 1786—1788 член Пастаяннай Рады.

Пасол на соймы 1776, 1782.

Кавалер ордэна св. Станіслава (1784)

Меў значныя маёнткі ў Ашмянскім павеце (Вішнева, Камаі, Жукаўшчына, Казінец, Чарняты і інш.).

Памёр у Вішневе. Пахаваны ў Камайскім касцёле Яна Хрысціцеля.

Жонка (шлюб 5.3.1777 у Вільні): Брыгіда Іаана з Лапацінскіх (1759—1814).

Сын: Юзаф (?—1815), камер-юнкер цара Аляксандра І.

Дочкі: Барбара (муж: Даніель Альшына Бучынскі, чашнік ашмянскі); Разалія (?—1833; муж: Вінцэнт Барткевіч, віцэ-маршалак Завілейскага павета).

Падрабязнасці:

Aftanazy Roman. Dzieje rezydencji na dawnych kresach Rzeczypospolitej. Wydanie drugie przejrzane i uzupełnione. Tom 4. Województwo wileńskie. Wrocław; Warszawa; Kraków: Ossolineum, 1993. 551 s., il., mapy.

Haratym Andrzej. Sulistrowski Tadeusz // PSB. T. XLV/4. Warszawa; Kraków, 2008. S. 492—493.

© Валерый Пазднякоў, 2019

Надрукавать Надрукаваць без ілюстрацый
Дадаць меркаванне

Ю.А.Ябланоўскі

Пячатка Вітаўта

План Віцебска. З кнігі: Памятная книжка Витебской губернии на 1865 год. Издана Витебским губернским статистическим комитетом. Под редакциею А.М.Сементовского. СПб., 1865.