Артыкулы: Сухадольскі Мікалай
Сухадольскі Мікалай (?—1601) — ваенны дзеяч Рэчы Паспалітай. Стараста вендэнскі ў 1578—1582, марыенгаўзскі з 1582.
З шляхецкага роду герба «Габданк» з Сандамірскага павета.
Удзельнічаў у Інфлянцкай вайне 1558—1582. У 1576—1577 каралеўскі ротмістр, камандаваў гарнізонам г. Вендэн (Кесь). У 1577—1578 удзельнічаў у баях з маскоўскімі вайскамі ў Інфлянтах. У 1578 узначальваў абарону Вендэна, у 1581 удзельнічаў у аблозе Какенгаўза. За ваенныя заслугі атрымаў урад старасты вендэнскага (1578) і марыенгаўзскага (1582), юргельт 500 злотых, мызу Любен (1589).
Жонка: N.
Нашчадкі жылі ў Ваўкавыскім павеце.
Падрабязнасці:
Urzędnicy dawnej Rzeczypospolitej XII—XVIII wieku. Spisy. Tom IX. Urzędnicy inflanccy XVI—XVIII wieku. Spisy / Opacowali Krzysztof Mikulski, Andrzej Rachuba. Kórnik: Biblioteka Kórnicka, 1994. 292 s.
Haratym Andrzej. Suchodolski Mikołaj // PSB. T. XLV/3. Warszawa; Kraków, 2008. S. 293.
© Валерый Пазднякоў, 2019
Надрукавать Надрукаваць без ілюстрацыйДадаць меркаванне