Артыкулы: фаска

фаска (ад ням. Fass бочка), мера аб’ёму і масы ў Германіі і Рэчы Паспалітай.

З 13 ст. гамбургская Ф. адпавядала 24,49 кг ячменю і аўса, 36,70 кг жыта, пшаніцы, гароху, 52,63 л алею. У Берасці ў 1605 малая Ф. адпавядала 22 камяням, у Варшаве Рускай (Веляшковічы каля Суража) у 1756 1 Ф. = 6 гарцаў = 6 шыфунтаў = 100 бунтаў = 1013,22 кг. У 1764 Ф. Рэчы Паспалітай вызначана як 0,241 варшаўскага карца (28,992 л). У 19 ст. польская Ф. = 0,125 карца = 4 гарцы = 16 квартаў = 15,0756 кг.

Літаратура:

Inhnatowicz I. Vademecum do badań nad historią XIX i XX wieku. T. 1. Warszawa, 1967;

Szymański J. Nauki pomocnicze historii: Od schyłku IV do końca XVIII w. 2 wyd. Warszawa, 1976.

© Яўген Анішчанка, 2006