Артыкулы: Барбашоў Аляксандр Іпалітавіч (Барбашёв Александр Ипполитович)

Барбашоў Аляксандр Іпалітавіч (Барбашёв Александр Ипполитович) [9(21).3.1858, Санкт-Пецярбург—пасля 1905] — расійскі гісторык, педагог. Магістр рускай гісторыі (1886).

Скончыў гісторыка-філалагічны факультэт Санкт-Пецярбургскага ўніверсітэта. Вучань К.М.Бястужава-Руміна. Служыў гувернёрам у сыноў прэзідэнта Санкт-Пецярбургскай АН Д.А.Талстога, загадваў яго бібліятэкай. Выкладаў у Санкт-Пецярбургу ў 3-й і 7-й класічных гімназіях, рэальным вучылішчы Муханава.

З 1881 магістрант кафедры рускай гісторыі Санкт-Пецярбургскага ўніверсітэта. З 1884 уваходзіў у «Кружок русских историков». Пад кіраўніцтвам Я.Я.Замыслоўскага падрыхтаваў дысертацыю «Витовт и его политика до Грюнвальдской битвы 1410 года», абараніў яе 9.5.1886. Аднак вакансій ва ўніверсітэце не аказалася, і Барбашоў быў вымушаны ўладкавацца ва Універсітэт св. Уладзіміра ў Кіеве. Доктарская дысертацыя Барбашова «Витовт. Последние двадцать лет княжения. 1410—1430» была адхілена гісторыка-філалагічным факультэтам Санкт-Пецярбургскага ўніверсітэта, пасля чаго дысертант псіхічна хварэў.

Працы па гісторыі ВКЛ 15 ст., князяванню Вітаўта, напісаны з пазітывісцкіх пазіцый.

Гісторык В.Р.Дружынін пра Барбашова: «Замкнутый в себя, малоразговорчивый человек».

Працы:

Барбашев А. Витовт и его политика до Грюнвальденской битвы. (1410 г.). СПб., 1885. (Записки историко-филологического факультета Императорского Санкт-Петербургского университета. Т. 15). XVI, 166 с.

Барбашев А.И. Танненбергская битва // Журнал Министрства народного просвещения. 1887. Ч. 254. Декабрь. С. 151—193.

Барбашев А. Летописные источники для истории Литвы в средние века // Библиограф. 1888. № 2. С. 53—61; № 3. С. 126—136; № 4. С. 165—174.

Барбашев А.И. Летописные источники для истории Литвы в средние века. СПб.: Издание редакции журнала «Библиограф», 1888. 29 с.

Барбашев А.И. Торнский мир (1411 г.) // Журнал Министрства народного просвещения. 1890. Ч. 272. С. 80—104.

Барбашев А. Витовт. Последние двадцать лет княжения. 1410—1430. СПб., 1891. VIII, 340 с.

Барбашев А. Мелкие исторические заметки. СПб., 1905. 16 с.

Барбашев А. Стихотворения. СПб., 1905. 56 с.

Падрабязнасці:

Бухерт В.Г. С.Ф.Платонов и «кружок русских историков» // Археографический ежегодник за 1999 год. М.: Наука, 2000. С. 131.

Русская интеллигенция. Автобиографии и биобиблиографические документы в собрании С.А.Венгерова. Аннотированный указатель в двух томах. Том 1. А—Л / Под редакцией В.А.Мыслякова. СПб.: Наука, 2001. С. 109.

Брачев В.С., Дворниченко А.Ю. Кафедра русской истории Санкт-Петербургского университета (1834—2004). СПб.: Изд-во СПбУ, 2004. С. 49, 65, 87.

© Валерый Пазднякоў, 2016