Артыкулы: Абрамовіч Людвік Караль

Абрамовіч (Абрамовіч-Непакайчыцкі) Людвік Караль (Abramowicz, Abramowicz-Niepokójczycki Ludwik Karol) (5.7.1879, г. Мінск—19.3.1939) — грамадскі дзеяч, гісторык культуры.

Бацькі — Ян, юрыст, і Марыя з Мрачкоўскіх. Скончыў гімназію ў Мінску, вучыўся ва ўніверсітэтах у Маскве, Харкаве, Кракаве. З 1904 у Вільні. З 1906 супрацоўнік газет «Gazeta Wileńska» («Віленская газета»), «Kurier Litewski» («Літоўскі веснік»). У 1912—1914 і 1921—1938 выдавец і рэдактар газеты «Przegląd Wileński» («Віленскі агляд»). Быў адным з ідэолагаў краёўцаў, прытрымліваўся дэмакратычных поглядаў. У 1925—1939 старшыня камітэта садзейнічання Бібліятэцы Урублеўскіх (цяпер Бібліятэка Акадэміі навук Літвы імя Урублеўскіх). Падараваў гэтай бібліятэцы рэдкія выданні 16—18 ст., карты, гравюры, карціны, фотаздымкі. Аўтар прац па гісторыі і бібліяграфіі Літвы, манаграфіі па гісторыі кнігадрукавання ў Вільні, дзе прасачыў дзейнасць Ф.Скарыны і яго паслядоўнікаў.

Памёр у Вільні, пахаваны на могілках Роса.

Працы:

Abramowicz L. Dwa dokumenty do dziejów Wilna z końca XVIII wieku // Rocznik Towarzystwa Przyjaciół Nauk w Wilnie. Tom I. 1907. W Wilnie: Druk Józefa Zawadzkiego, 1908. S. 148—151.

Litwa podczas wojny. Zbiór dokumentów, odezw, uchwał itp. / Zebrał i przygot. do druku L.A. Warszawa, 1918. 143 s.

Abramowicz Ludwik. Cztery wieki drukarstwa w Wilnie: zarys historyczny (1525—1925). Wilno, 1925. 149, [2] s. (рэцэнзіі: Mocarski Zygmunt // Ruch Literacki. 1926. R. I. № 5. S. 154—155; Wojciechowska Marja // Kwartalnik Historyczny. 1926. R. XL. Z. 3. S. 473—475).

Abramowicz Ludwik. Polska a Litwa // Lietuvos istorijos metraštis. 2002 metai. 2. Vilnius: LII, 2004. P. 152—158.

Падрабязнасці:

Ludwik Abramowicz // Almanach Literacki. Wilno, 1926. S. 74—75.

Miknys Rimantas. Spuścizna Ludwika Abramowicza, Heleny Romer-Ochenkowskiej i Michała Romera w Bibliotece Akademii Nauk Litwy jako źródło dziejów byłego Wielkiego Księstwa Litewskiego i wschodnich obszarów Korony // Białostocczyzna. 1998. 4 (52). S. 41—45.

Solak Zbigniew. Listy Michała Römera do Ludwika Abramowicza z lat 1908—1938. Cz. I: Lata 1908—1917 // Rocznik Biblioteki Polskiej Akademii Nauk w Krakowie. Rok XLIV. 1999. Wrocław; Warszawa; Kraków, 1999. S. 307—361.

Solak Zbigniew. Listy Michała Römera do Ludwika Abramowicza z lat 1908—1938. Cz. II: Lata 1918—1928 // Rocznik Biblioteki Naukowej PAU i PAN w Krakowie. Rok XLV. 2005. Kraków, 2000. S. 311—366.

Solak Zbigniew. Listy Michała Römera do Ludwika Abramowicza z lat 1908—1938. Cz. III: Lata 1929—1938 // Rocznik Biblioteki Naukowej PAU i PAN w Krakowie. Rok XLVI. 2001. Kraków, 2001. S. 355—415.

Pukszto Andrzejus. Ludwiko Abramowicziaus «Lenkija ir Lietuva» // Lietuvos istorijos metraštis. 2002 metai. 2. Vilnius: LII, 2004.

Nekanda-Trepka M. Ludwik Abramowicz-Niepokójczycki — redaktor «Przeglądu Wileńskiego» // Ostatni obywatele Wielkiego Księstwa Litewskiego. Lublin, 2005. S. 49—57.

© Валерый Пазднякоў, 2010, 2014