Артыкулы: губернатар

губернатар, пасада ў ВКЛ. У агульным значэнні — намеснік якой-небудзь адм.-тэр. адзінкі. У 2-й пал. 17—18 ст. Г. называлі кіраўнікоў (намеснікаў, старастаў, аканомаў) Слуцкага, Капыльскага, Нясвіжскага, Давыд-Гарадоцкага княстваў Радзівілаў, Быхаўскага, Крычаўскага старастваў і інш. Часам губернямі называлі больш дробныя адм.-гасп. адзінкі, супастаўныя з войтаўствамі ці ключамі (напр., у Берасцейскай і Гарадзенскай эканоміях).

© Валерый Пазднякоў, 2005