Артыкулы: «Інвентары Літвы XVII ст.»

«Інвентары Літвы XVII ст.» («LietuvosinventoriaiXVIIa.»), археаграфічнае выданне інвентароў феадальных уладанняў ВКЛ 17 ст. Падрыхтавалі К.Яблонскіс і М.Ючас. Выдадзена ў Вільнюсе ў 1962. Надрукавана 115 інвентароў 1603—1700 з Цэнтр. дзярж. гіст. архіва Літвы, рукапісных аддзяленняў б-кі Вільнюскага дзярж. ун-та і Цэнтр. б-кі АН Літвы, Дзярж. рэспубліканскай б-кі Літвы. Дакументы асвятляюць гасп. стан прыватных уладанняў на тэр. сучаснай Літвы, а таксама Беларусі (маёнткі Камаі, 1611, Геранёны—Суботнікі, 1619, Жолава, 1645, Волянава, 1674, Бруднікі, 1696, усе ў Ашмянскім пав.). Інвентары надрукаваны на мове арыгіналаў (бел. і польскай). Выданне забяспечана паказальнікамі геаграфічных назваў і рэчаў.

© Валерый Пазднякоў, 2005