Артыкулы: Сакольскі павет

Сакольскі павет, адм.-тэр. адзінка ў ВКЛ у 1793—95 у складзе Гарадзенскага ваяводства. Цэнтр — мяст. Саколка (цяпер горад у Падляскім ваяв., Рэспубліка Польшча). Створаны на аснове паўд.-зах. парафій Гарадзенскага пав. і Ялоўскай парафіі Ваўкавыскага пав. Пасля 3-га падзелу Рэчы Паспалітай (1795) большая частка С.п. ў складзе Прусіі, усх. раёны — у Рас. імперыі.

© Валерый Пазднякоў, 2006