Артыкулы: Валіканітэ (Valikonytė) Ірэна

Валіканітэ (Valikonytė) Ірэна (н.10.03.1949, г. Радвілішкіс, Літва), літоўскі гісторык. Д-р гуманітарных навук (1979). Скончыла Вільнюскі ун-т (1971), дзе выкладае з 1973, з 1993 заг. кафедры гісторыі стараж. свету і сярэдніх вякоў; дацэнт (1988), в.а. прафесара (2002). Даследуе Статуты ВКЛ, Метрыку ВКЛ, статут жанчыны і прававую культуру ВКЛ. Удзельнічала ў падрыхтоўцы акадэмічнага выдання Статута ВКЛ 1529 («Первый Литовский Статут». Т. 2, ч. 1. Вільнюс, 1991), кніг Метрыкі ВКЛ № 4, 6, 8, 10, 11 (1995—2003).

Творы:

Pirmasis Lietuvos Statutas (1529 m.). Vilnius, 2001 (з Э.Гудавічусам, С.Лазуткам).

© Валерый Пазднякоў, 2005