Артыкулы: прасал

прасал, у 17—19 ст. дробны гандляр, якi гандляваў сваiм таварам па вёсках i мястэчках. Статут магiлёўскiх гандляроў 1636 адрознiваў П. ад купцоў i вызначыў iх як гандляроў, якiя не гандлююць замежнымi таварамi, не ездзяць з айчыннымі таварамi (зробленымi ў ВКЛ i Польшчы) за мяжу, а набываюць iх на месцы i гандлююць iмi наўкол Магiлёва не далей як за 10 мiляў, не прадаюць у Магiлёве тавары гасцям (замежным купцам). У 2-й пал. 17 ст. магiлёўскiя П. вылучылiся ў асобны цэх (брацтва), якi ўзначальвалi 2 старасты, 2 падстарасты, 6 паспалiтых i 2 шафары (скарбнiкi); iх выбiралi штогод.

Лiтаратура:

Даўгяла З. Магiлёўскае «брацтва прасалаў» // Гiст.-археал. зб. Мн., 1927. № 1.

© Валерый Пазднякоў, 2006

Надрукавать Надрукаваць без ілюстрацый
Дадаць меркаванне

Ю.А.Ябланоўскі

Пячатка Вітаўта

План Віцебска. З кнігі: Памятная книжка Витебской губернии на 1865 год. Издана Витебским губернским статистическим комитетом. Под редакциею А.М.Сементовского. СПб., 1865.