Артыкулы: Чаркаскае паўстанне 1536

Чаркаскае паўстанне 1536, выступленне мяшчан, казакоў і баяр г. Чаркасы ў Кіеўскім ваяв. супраць уціску адміністрацыі старасты В.Тышкевіча і яго папярэдніка памерлага А.Дашковіча. Было выклікана фактычным скасаваннем гар. самакіравання, значным ростам павіннасцей і падаткаў, якія ішлі на барацьбу з татарскай пагрозай. Паўстанцы прагналі з горада ўраднікаў старасты і стварылі сваё самакіраванне. Пад уплывам Ч.п. пачалося Канеўскае паўстанне 1536. Для падаўлення паўстанняў з Кіева былі пасланы ўрадавыя войскі. Канеў быў узяты, аднак пад Чаркасамі мяшчане і казакі разбілі пасланыя супраць іх атрад. Асцерагаючыся пашырэння паўстання, урад прызначыў новага старасту і пайшоў на часовае паслабленне падаткаў і павіннасцей. Аднак шмат незадаволеных сямей мяшчан і казакоў перасяліліся у Канеў, на Запарожжа, у інш. месцы.

Літаратура:

Яковлев А. Бунт черкасцев и каневцев в 1536 году // Україна. Київ, 1907. Т. 1;

Черкас Б.В. Остафій Дашкович — черкаський і канівський староста XVI ст. // Український історичний журнал. 2002. № 1.

© Валерый Пазднякоў, 2006

Надрукавать Надрукаваць без ілюстрацый
Дадаць меркаванне

Ю.А.Ябланоўскі

Пячатка Вітаўта

План Віцебска. З кнігі: Памятная книжка Витебской губернии на 1865 год. Издана Витебским губернским статистическим комитетом. Под редакциею А.М.Сементовского. СПб., 1865.