Артыкулы: прут

прут (прэнт) — адзiнка вымярэння даўжынi i плошчы ў Польшчы (з 13 ст.) i ВКЛ (з 16 ст.).

У 16 ст. каронны (польскi) П. складаўся з 7,5 купецкiх локцяў, выкарыстоўвалiся таксама П. з 7 i 8 локцяў. У ВКЛ каронны П. пашырыўся ў 16 ст. ў час правядзення валочнай памеры як адзiнка ў 4,87 м. Падзяляўся на 10 пруцiкаў (прэнцiкаў). Як зямельная мера ўяўляў сабой прамавугольнiк памерам 1 шнур × 1 пруцiк (23,72 м²).

Лiтаратура:

Baraniecki M.A. O miarach prawnych i zwyczajowych w Polsce // Wszechświat. 1883. Т. 2, z. 44;

Земзарис Я.К. Метрология Латвии в период феодальной раздробленности и развитого феодализма (ХIII—XVI вв.) // Проблемы источниковедения. М., 1955. Сб. 4;

Скурат К.У. Даўнiя беларускiя меры: (лексiч. аналiз). Мн., 1974.

© Яўген Анішчанка, 2006