Артыкулы: пуд

пуд, адзінка масы.

Вядомы з 12 ст., выкарыстоўваўся да 1924 пры ўзважванні мёду, воску, збожжа, рэчаў. Адпавядаў 12 бязменам, або 40 фунтам (16,3799 кг). Пры разліках за правіянт і фураж у 1792—93 на Беларусі рас. ўлады прыраўноўвалі П. да каменя сена (40 фунтаў, або 16,3805 кг). Меў таксама значэнне зямельнага ўчастка, абкладзенага натуральным падаткам (6 бязменаў мёду ў Прапойскім старастве, 1681), або валокі (маёнтак Горваль, 1676, 1791 і інш.).

Літаратура:

Баталин Ф.А. Календарь и справочная книжка русского сельского хозяина на 1883 г. СПб., 1883;

Памятная книжка Минской губернии на 1900 г. Мн., 1899;

Каменцева Е.И., Устюгов Н.В. Русская метрология. 2 изд. М., 1975.

© Яўген Анішчанка, 2006