Артыкулы: «Вадвіч»

«Вадвіч», прыватнаўласніцкі герб, якім карысталася каля 20 родаў Беларусі, Украіны, Літвы і Польшчы, у т.л. Адамовічы, Анцэвічы, Барэйшы, Мантыгірдавічы, Нарушэвічы, Станкевічы. Шчыт герба вертыкальна падзелены на 2 часткі, дзе змешчаны выявы белай стронгі ў чырвоным полі і чырвонай — у белым. Клейнод — над прылбіцай з каронай 5 страусавых пёраў. Вядомы з пач. 15 ст., у ВКЛ — пасля Гарадзельскай уніі 1413.

© Валерый Пазднякоў, 2005