Артыкулы: Варніская духоўная семінарыя

Варніская духоўная семінарыя, навучальная ўстанова для падрыхтоўкі святароў для Жамойцкага біскупства. Існавала ў 1623—1864. Заснавана ў Варнях біскупам М.Пацам. Выкладалі езуіты. З 1629 знаходзілася ў Крожах. З 1742 зноў у Варнях, аддадзена піярам. З 1762 кіравалася езуітамі да скасавання ордэна. У 1763—69 рэктар семінарыі І.Доўгірд, у 1769—74 — Т.Рагоўскі. Пасля апекавалася місіянерамі-лазарыстамі.

© Валерый Пазднякоў, 2005