Артыкулы: «Адравонж»

«Адравонж», прыватнаўласніцкі герб, якім карысталіся каля 60 родаў Беларусі, Украіны, Літвы і Польшчы, у т.л. Адравонжы, Аўгусціновічы, Высагерды, Капусты, Храптовічы, Шыдлавецкія. На чырвоным полі сярэбраная страла наканечнікам уверх і 2 вусамі ўніз; клейнод — на прылбіцы паўлінавыя пёры, на іх фоне такая ж страла ўлева. Вядомы з 14 ст., у ВКЛ пасля Гарадзельскай уніі 1413.

© Валерый Пазднякоў, 2005