Артыкулы: «Газэта Гродзеньска» («Gazeta Grodzieńska»)

«Газэта Гродзеньска» («GazetaGrodzieńska», «Гарадзенская газета»), неафіцыйнае перыядычнае выданне. Выходзіла ў Гародні на польскай мове штотыднёва ў 1776—83?. Друкавалася ў Гарадзенскай друкарні. Яе выдаваў, відаць, сакратар мясц. пошты Сабалеўскі. Да сярэдзіны 1776 выйшла 6 нумароў, якія трапілі да караля Станіслава Аўгуста Панятоўскага і выклікалі яго крытыку з-за дапушчаных памылак, а таксама меркаванняў, якія разыходзіліся з палітыкай двара. У чэрв. 1776 надрукаваны № 1 пад змененай назвай «GazetaGrodzieńskapartykularna» («Мясцовая гарадзенская газета»). У ліп. 1776 выходзіла пад назвай «Wiadomościpartykularnewarszawskie» («Мясцовыя варшаўскія паведамленні»). Відаць, з восені 1776 зноў мела назву «Г. г. ». Падскарбі надворны ВКЛ А.Тызенгаўз устанавіў над газетай сталую цэнзуру. Змяшчала паведамленні пра паліт. падзеі ў краіне і за мяжой (у асноўным перадрукоўвала іх з газ. «GazetaWarszawska»), зрэдку аб’явы. Выходзіла па чацвяргах. Звычайна мела 2 старонкі, памер каля 20 × 15 см, тэкст размяшчаўся ў 2 слупкі. Апошні вядомы нумар датаваны 28.12.1780. Выдавалася, магчыма, да канца 1783.

Літаратура:

ŁojekJ. «GazetaGrodzieńska» 1776—1783 // Rocznikhistoriiczasopiśmiennictwapolskiego. Wrocławetc., 1966. T. 5, z. 2.

© Валерый Пазднякоў, 2005

Надрукавать Надрукаваць без ілюстрацый
Дадаць меркаванне

Ю.А.Ябланоўскі

Пячатка Вітаўта

План Віцебска. З кнігі: Памятная книжка Витебской губернии на 1865 год. Издана Витебским губернским статистическим комитетом. Под редакциею А.М.Сементовского. СПб., 1865.