Дакументы: Статут Вялікага Княства Літоўскага 1529. Раздзел 5
Роздел пятый. О опекунех.
[1]. Опекун, яко прирожоный, так уставленый, што бы за омешканьем детем впустил, дети, доросши лет, мають правом поискивати.
Коли бы опекун, так прирожоный, яко уставленый, омешканем своим за непослушенство што упустил детем в молодых летех, тогды тые дети, дошодчи лет зуполных, могут ся своего правом дойскивати на том, хто бы тое имене держал, нижли бы толко, дошедчи лет зуполных, давности земское не омешкали.
[2] 1. Опекун моцон кривды детиное у права дойскивати, а не моцон потерати.
Коли бы хто сиротам а детем, лет не маючим, кривда ся о што-колве стала, тогды опекун именем моцон ест в права того ся дойскивати, але не моцон ничого детиного стратити, бо естли бы он што стратил, тогды дети, коли доростуть лет своих зуполных, могут ся дойскивати подлуг того, яко у вышшом артыкуле. Тэж волно им будеть, коли доростуть лет зуполных, о всякие кривды, которые бы опекун у права ничого не вчинил, перед врадом своим доходити, толко бы, доросши, давности земское не омешкали.
[3] 2. Хто бы детей до суда позвал, лет не маючих, дети не повинни до лет своих отказывати, а суд маеть то им отложити до лет.
Коли бы хто детей, лет не маючих, до суда позвал о именя как отчизну, материзну, и о купленину, и о выслугу, тогды уставляем, иж тые дети ани опекун не будут повинни отказывати в суда, але суд выроком своим маеть тую справу до лет детиных зуполных отложити и завесити. Которые ж дети, коли лет своих зуполных доростуть, будуть повинни о тое в суда стороне, которая жалуеть, коли будеть врадне ку тому позвал, жадною давностью для так долгого молчанья не обываючи отказывати, коли бы толко тот жалобных по доиденю лет детиных давности земское не омешкал.
[4] 3. Брат старший, маючи именье брати свое у-в опеце, а они будут ли на службе, части их без бытности их перед правом утратити не можеть.
Тэж уставляем, иж коли бы братья неделные были, маючи лета, а одного бы в имени брата зоставили, а тот брат, которого бы в именьи за болшого поставили, будучи позван на право через которого ж жалобника, которое дело суместное своее и братьи упустил, тогды другая братья его рожоная для небытности своее не будуть моцни того зысканья судового в права потом поправити, але што через брата своего впустили, вечне о то молчати мают. А естли бы брат один лет дорос, а именя его и другое братьи его недорослое пришли з опеки опекуновы в руки его, а хто бы его ку праву в которой-колве речи о имене або о земли припозвал; тогды тот брат, лет дорослый, маеть перед правом отказати, не ждучи лет братьи своее. И што-колве перед правом зыщеть, то маеть з братьею, как лет дойдуть, в ровный дел поделити. Естли ж што на праве впустить, тогды тэж того брати своей сам не повинен оправовати, и тые братья его, лет своих дошодчи, на нем и на том, хто зыщеть, не мають того искати.
[5] 4. Опекун не моцон отчизны детиное продати ани стратити.
Уставляем тэж, иж опекун не моцон ест детиное отчизны продати або яко-колвек стратити, ани тэж того именя их граничити. Бо естли бы инак вчинил, дети, доросшы лет своих, могуть отчизны своее от державцы правом ся дойскивати. А и в том давность земская не можеть им шкодити, коли бы толко, лет зуполных доросши, тое давности, подлуг как который парсуне служить, не омешкали.
[6] 5. Дети, лет не доросши, не мають перед судом отказывати, толко в чотырох речах: о выкупане именя, о паруку отцовскую, о которое дедицство отец за живота право мел и не доконал.
Тэж уставляем, иж дети, лет не маючи, в той молодости их до суда позваны, толко в чотырох речах повинни отказывати: первое, коли бы отец их за доброго здоровья своего которое имене лежачое в пенезех заставным обычаем держал, а ближние тое имене от тых детей выкупити хотели и позвали бы их для того ку бранью пенезей, повинни пенези взяти через опекуна своего а держаня того именя выпускаючому поступите; а другое, коли бы отец их кому ручил о которую-колве реч, а о тую паруку ещо отец их за живота был позван до суда, тогды по смерти отцовой дети, естли бы их тот рукоемца ку вызволеню або до суда позвал, повинни ему отказывати и выбавити его с паруки, лет своих зуполных не ждучи; третее, коли бы отец за живота своего о которое дедицство мел право а не доконал, а умер, тогды дети через опекуна повинни отказывати; а естли бы толко позвы позвал, а в праве не стоял, тогды тая реч маеть отложона быти до лет детиных, а о то не будуть дети повинни отказывати, не маючи лет; четвертое, долги отца своего повинни будуть платити, молодостью лет своих не вымовляючися.
[7] 6. Старший сын, або первородный, который иное имене братьи своее, ему не отделеное, не маеть ничого утратити.
Уставуем тэж, иж старший сын, або первородный, который оным именем суполным братским и своим ся впекаючи, именей братьи своее, ему не отделенных, под которою-колве мерою або хитрстью, або вымыслом каким-колвек, кром части, на него прислухаючое, задолжити, продати, заставити, отдалите и втратити не можеть. Нижли бы долги родичов их, записаные або с права найденые, того потребовали, ку которой потребе старший брат з ведомом, з волею и с порадою старших приятелей дому своего тогды моцон будеть имене братьи своее в пенезех завести а тые долги отцовские або матчины со своих частей мають заплатите с тых же пенезей так, как бы сума пенезей, на имене братское взятая, не переходила сумы долгов родичов их. А естли бы тые долги або некоторый платеж, с права зысканый, малый был, тогды брат старший, осмотревши наперед живность домовую и тутэж иные потребы к домовому господарству слушаючие, с цыншов и з доходов братского именя мает тые малые долги выплатите, а остаток, што бы назвыш было, вернеть братьи свое маеть заховати. Бо естли бы инак то вчинил, мимо тую уставу нашу, тогды таковое кождое имене братское заведене и записы, на то будучие, ни во што оборочаем а не хочем тых записов моцных мети на потом. А тая братья, которым бы имене их таковым иным неслушным обычаем заведено было, коли бы толко, дошедчи лет своих зуполных, давности земское десяти лет не омешкали, могут ся того правом дойскати. А тот, который бы против той уставе нашой неопатрно пенези дал на имене братьи без их всих зуполного дозволенья, на том же старшом брате або на его потомкох маеть их опять правом доходити. А естли бы хто хотя лет дорос, а был на службе в чужой земли або на науце, або в руках неприятелских, а оттоль бы приехал, хотя бы и тая десять лет и вышей минула, тым не тратить. Нижли естли бы оттоль вышедчи а десять лет минувши, а он не припоминал, тогды тратить.
[8] 7. Которым опекуном дадуть опекунство, яко ся мають в том справовати.
Тэж уставуем: хто бы кому дети або имене свое, або жону свою полецал у-в опеку, тогды тым обычаем опекуны ся мають справовати. Вземши от враду вижа того повету и при нем еще трех шляхтичов, годных веры, с тыми светки мают списати все имене и люди, и доходы, стада, кони, челед неволную и зася скарбы: злото, серебро, клейноты, пенези, перла, шаты, зброи, и вси иные речи рухомые; и от того вижа и от тых бояр-шляхты, годных веры, под печатми их вземши двои рейстра, одны мають в себе заховати, а другие поветови дати, воеводе, старосте, в котором повете. И коли дети лет доростут, тогды мают оные опекунове, подле оных рейстров, все в целости подати и вси поплаты, которые идуть з ыменей, дани медовые и грошовые, што-колве будуть за тые лета собрали, мают детем отдати. А за свою працу, што-колве прийдеть с пашен, з млынов и присудов, то мають собе опекателники на свои пожитки оборочати и службу земскую заступати, и дети живити и одевати. А с которою пашнею, с чим озметь имене, с тым мает предся подати. А серебщизны и вин опекателники и иные пожитки або скарбы потратили або люди розогнали, а то бы на них правом переведено, тогды все подле рейстров з своих именей мают детем наполнити.
[9] 8. В опеце маючи чужое именье, не маеть ничего с него за свою вину платити.
Коли бы хто чужое именье в опеце або в заставе держал, а были бы якие кривды суседские або долги, такеж и о вины господарские або о какие иные права поконан, таковый кождый, будеть муж або невеста, естли б не был на своей властности оселый, в таковых своих речах осужоных на рухомом имени его, а в недостатку на парсуне его маеть быти каран.
[10] 9. Которые екзекуторове и оборонцы, почонши тастаментом справовати и, не доконавши, помрут, могут иншому опекуну тую справу поручити.
Коли бы пригодилося, жебы екзекутарове и оборонцы тастаментов, почавши доводити тастаментов и не доведчи своего тастаменту, а померли, тогды могуть тую справу, водле тастаменту, иному опекуну поручити. Тогды тая моц и справа, которая им была через чиненого тастаменту взычона, на врад приходить; а тот врад, под которым бы ся трафило, мает того тастаменту подле остаточное воли чиненого до конца доводити.
[11] 10. Кому бы за который выступ имене взято, а наперед будеть оправа вчинена жоне его.
Коли бы которому чоловеку земскому о который-колве выступ або за которым правом переведеным имене его дедичное або закупное взято або в долгу подано, або осужоно, а на том бы имени первым записом жона его мела оправу свою веновную слушную записану первей, нижли бы оный виноват зостал с права, тогды тая оправа ее держана маеть быти, окром злодейства, коли бы жона посполу з мужом краденых речей ведома была и з мужом поживала.
[12] 11. Естли бы брат от братьи кому имене записал.
Коли бы который брат одному брату або сестре своей от иншое братьи и сестр своих всю часть именя своего отчизного або материстого в суме пенезей записал, таковый запис не мает быти держан. Нижли пенези тые братья и сестры оному, которому записано, отложивши, имене оное промежку себе мають поделити, коли бы одно давности земское не омешкали десять лет.
[13] 12. Не маеть нихто никому жадного спадку записывати, чого в руках не маючи.
Тэж уставуем: естли бы хто хотел кому записати которым спадком, который бы мел на него прийти, веновное або материстое, або которая-колвек близкость, который бы колвек по ближнем по пустой руце стал, а тот бы ещо был жив, тогды такового спадку нихто не можеть записати, олиж бы у своих руках мел. А естли бы хто кому таковый спадок записал або продал, або тэж записал на том которую суму пенезей, таковый запис перед правом не мает держан быти, бо нихто никому не можеть такового дати, олиж бы што у своих руках мел. А естли бы оный, хто кому што записал от своих близких, сам наперед умер, однакож тот запис ни во што мает быти обернен, предся тое прийти мает на прирожоных близких.
<14>. Естли бы хто кому записал имене або землю по своем животе, а тот бы, кому записано, того смерти не дождал и сам наперед умреть.
Теж уставуем: естли бы хто кому записал имене або люди по своем животе, а тот, которому тая реч будеть записана, того смерти не дождал, который то ему будет записал, и сам наперед умер, тогды тот может тую реч может иншому записати, кому воля его будет, Нижли естли бы тот жив был, а он ему записавшы и потом иншому другим записом хотел записати, тогды тот первый запис мает при моцы зостати, а последний ни у-во што мает обернен быти. Так теж хто бы кому имене або люди, або земли продал, а потом тот же иншому продал, тогды, хто первей купил, тот мает то одержати; а тот, который опосле купил, мает пенязей своих на истцех смотрети.
<15>. Хто-колве на которую реч доброволне запис дасть, тот мает при моцы зостати запис.
Теж уставуем: естли бы хто кому записал на которую реч доброволне дал под печатми своею и людми добрыми подле обычая права, кождый таковый мает при таком записе зостати; а тот запис кождый моцон у права мает быти захован.
[14] 13. Хто бы под ким искал близкости, а тот бы держал имене записом слушным.
Коли бы хто именя под ким искал близкости своее, а тот бы, под ким ищеть, держал тое имене записом слушным описано, а поведил, иж не одно ему, але иншим тым же записом именя суть описаны, тое имене держал и рек бы: «Прото я без них о тот запис не хочу отповедати», тогды тот, хто именя ищеть, мает оных всих припозвати, которым запис служит. А до того-таки маеть тое имене держати тот, кому записано, поки ся право промежку всими не преточи, на которых тое имене за тастаментом прислушаеть.
[15] 14. Хто маеть моц и не маеть о речах своих рухомых тастаменту чинити.
Тэж уставляем, иж кождая парсуна не волна и не моцна будеть о речах своих тастамент вчинити, окром тых парсун, нижей писаных, которые парсуны, прото ж, иж подле права не мають ничого своего волного тастаментом никому отдати. Напервей, дети, лет зуполных не маючи; законники, будучи в законе привилеваном, принявши, потвердившися в законе; сынове, з отцом неделным, окром речи набытья своего властного або выслугу; в чужую моц зоставлены, то ест тот, кого бы кому выдано зь его статки; шалени, кацери, неволники, от розуму отходячи; а веджо тые, коли к собе прийдуть, моцны с тастаменты своими чинити.
[16] 15. О тастаментах на рухомыи речи, яко мають чинены быти.
Коли бы хто на речи свои рухомые або на имене, на куплю, хотел тастамент вчинити, тогды таковый, хотя бы тэж немоцон был, коли бы толко был при доброй памяти, моцон будет речи свои, имене купленое таковое отказывати, куды хочеть, так духовным парсунам, яко и светским, призвавши к тому каплани або иные светки, або люди, веры годные, або тэж явного писара присяжного. А коли сам потом умреть а тую волю свою остаточную смертью потвердитъ, а хто бы и печати не приложил, таковый тастамент маеть при моцы зостати. А пак ли бы хто по вчинени тастаменту и жив зостал, волно будеть кождому кождый тастамент свой, колко кроть хочеть, толко кроть отменить. А остаточным с тых всих тастаментов смертью потвержоный, врадовне вчиненый кождому врадом маеть при моцы зостати. А имене куплю тастаментом, яко и рухомую реч, кождый можеть отдалити и продати, кому хочеть, так. Нижли хто бы хотел куплю на церков записати, тым обычаем: которые-колве духовные тое имене будеть держати, толко маеть с того именя службу земскую конно а збройно служити, водле уставы и вфалы земское. Вжо от того часу уставуем, иж хто бы записал имене на костел, тогды с того именя так же маеть служба быти, яко и первей была. А естли бы хто перед врадом або перед светками, веры годными, отписал третюю часть записом именя або куплю, або которую рухомую реч, а хотя был жив, тогды вжо таковый запис маеть держан вечне быти; а оный вжо другий раз отозвати ани кому иншому оное речи записывати а по вторый раз не можеть.
[17] 16. О светкох, который мають быти при справени тастаментов.
Тэж уставуем: при тастаментах мають быти светки, веры годные а неподозреные; просто тые светки, нижей написаные, светки быти не могуть напервей, тые, которые тастаментов своих чинити не годны; тэж и невесты, екзэкуторове або опекунове того ж тастаменту; также тэж тые, которым в том тастаменте што отписано.
<20>. Отец и матка не повинни детем з мушенья именей записывати при животе своем, нижли по доброй воли.
Теж уставуем, иж отец за живота его детем своим з мушеня не повинен именя жадного поступати, нижли по доброй воли может части его ему поступити або што воля его будет; также и невеста, которая будет именя свои отчизные або материстые мети, также з мушеня не повинна за живота своего детем поступати, але по доброй воли может поступити, што воля ее будеть.
© Валерый Пазднякоў, 2010, 2015
Надрукавать Надрукаваць без ілюстрацыйДадаць меркаванне