Дакументы: Статут Вялікага Княства Літоўскага 1529. Раздзелы 7, 8

Статут Вялікага Княства Літоўскага 1529 г. Раздзелы 7, 8.

Роздел семый. О кгвалтех земских и о боех, и о головщанах шляхетских.

1. Хто бы на чий дом наехал умысльне, хотячи его забити.

Тэж уставляем, иж хто бы на чий дом умысльне наехал, хотячи его забити, або нашол кгвалтом а моцъю, а в том бы дому кого-колве ранил або забил, або хотя и не ранил никого, толко нашол кгвалтом, тот шию тратить; а головщина з ыменя его близким забитого маеть быти плачона, а противня до скарбу нашего господарского, также и ранам навязка. А естли бы тот, на чий дом наехано або найдено, а, боронячися, з дому своего втек а головщина бы ся не стала ани раны, однак тот, который находил на дом, шию тратить, а кгвалт маеть быти плачон господару домовому; а што бы того именя назвыш зостало, то у вине господарской.

2. О довод кгвалту, як маеть его осветчити и жаловати.

Хто бы кому на дом наехал и вбил, а ведже на такового кгвалтовника маеть быти таковый довод. Естли бы на дом на чий наехал а ранил або забил, тогды с того дому маеть скоро по кгвалте оповедити и оказатися околичным суседом своим и на то маеть вижа взяти с ураду нашого, который ближший будеть, и оказати кгвалт и раны або убитого. И потом естли бы ся тот к тому не знал, тогды тот близкий вжо будеть околичными суседы и вижом тым того допирати, а сам при ранном мает и з жоною, естли бы детей не мел, а естли бы дети дорослые были, тогды и з детми дорослыми, и з слугами або с челядью, а естли бы слуг не было, сам-третей на том присягнути мает. А тот, хто наехал, вжо маеть горло тратити, яко кгвалтовник.

3. А естли бы кгвалтовник, забивши, втек из земли, як з ыменя его платити мают.

Тэж, естли бы тот кгвалтовник, убивши кого, з земли втек проч, тогды з ыменя его маеть плачоно быти убитого голова и шкода, и вина господарская, вышей писаная. А хотя бы и имене за то не стояло, однак же предся маеть быти подано тое имене и маеть держано быти в той суме, поки дети або близкие то отложат. А оный убийца маеть быти выволан з земли вон; а хотя бы потом зася и приехал до земли, а хто бы его забил, тогды тот не повинен будет за голову его платити ничого ани у вину не впадываеть.

4. Хто бы забил кгвалтовника в дому своем або на кгвалте и помочников его.

Тэж уставуем: хто на чий дом наедеть кгвалтом, а тот, будучи истый в дому своем, боронячи дому своего, и забьеть того то кгвалтовника в дому своем або помочников колко его забил або ранил, тогды не маеть головщины ани ран платити, але при оных ранных ещо маеть своего кгвалту домового доходити. А веджо того маеть отвестися телесною присягою своею и з жоною, и з дорослыми детми самотреть, и к тому светки естли бы были, а при светкох таки и сам повинен вчинити присягу. А по присязе, естли ся того отведеть, тогды предся оному кгвалт дванадцат рублев грошей маеть сказан быти водлуг присяги и светков его.

5. Хто бы наехал на чие имене и подданных, а тот бы, боронячи своего, его забил.

Тэж уставляем: естли бы хто боронил именя своего або подданых своих на кгвалтех, шляхтича забил, тому головщины не маеть платити; однакож на то маеть слушный довод быти, иж его на своей земли забил, а тот маеть довести своею телесною присягою и околичными суседы его.

6. О кгвалтованье невесты и девки.

Тэж уставуем: естли бы хто невесту або девку зкгвалтил, будь какового-колве стадла, почонши от вышшого иж до нижшого, а оная невеста або девка валала кгвалту своего за оным вчинком, а люди бы некако прибегли на оный кгвалт, а она бы перед ними знаки кгвалту вказала, а потом бы оного ку праву привела, двема або трема светками пересветчала а к тому бы при оных светкох телесною присягою присягнула, тогды таковый горлом маеть каран быти. А естли бы она хотела его собе за мужа мети, тогды то у ее воли. А естли бы оная невеста або девка не могла кгвалту волать, а ведже по оном кгвалте скоро бы была волна выпущона а оповедалася людем, а зася оного притягнула ку праву, а тыми людми осветчила, тогды тым же обычаем маеть каран быти, яко вышей написано.

7. Естли бы ся хто на кого пофалил, а за похвалкою его головщина або пожога двору сталася.

Тэж, естли бы хто на кого пофалился або отповедал перед людми, хотячи ему шкоду вчинити, спалити двор або гумно або забити, а в той похвалце або отповеди ему которая шкода стала от огня або забитье, а он бы на него перевел, же ся похвалил пожогою або забитьем, тогды тая шкода маеть присужона быти на оном похвалце або отповеднику. А естли бы тот того ся прел, иж я того не вчинил, тогды нехай нихто ся ни на кого не фалит, нехай тую шкоду предся оправуеть, а собе винного ищеть. А веджо не маеть иначей тая похвалка переведена быти, леч трема шляхтичи против шляхтича, а на шкодах сам маеть присягнути з жоною и з детми.

8. А естли бы было колко парсун об одного шляхтича забитье в суда было обвинено.

Тэж, коли б было колко парсун об одного шляхтича забитье в суда было обвинено, тогды толко один мужобойца маеть быти о тое забитье осужон, которого жалобник сам-третей з двема шляхтичи, собе ровными, естли бы слушного доводу не мел, маеть поприсягнути, а звлаща коли бы ся сам к тому забитью не знал.

9. Хто бы шляхтича ранил в руку або в ногу а охромил або око выбил.

Коли бы хто шляхтича ранил, а с тое раны его в руку або в ногу охромил або око выбил, або нос втял, або губы врубал, або ухо втял, тогды маеть предся платити пол чоловека; кром того, естли бы ранил у твар, тогды ма платити тридцат коп грошей тот виноватый битому а вины толко ж до скарбу господарского, коли его жалобник сам-третей поприсягнеть в недостатку доводу слушного.

10. Хто бы опосле ран ездил по пиром або по корчмам, а потом умреть.

Коли бы который шляхтич, битый або охромленый, от того битья або охроменя ездивши по пиром або бывал в корчмах або в торг, а потом умер, хотя тэж от того битья и лежал и от ран умер, тогды оный, который его бил або ранил, не маеть головщины платити, толко раны.

11. Которой братьи рожоной будеть отца забито, яко мають головщины искати.

Уставляем тэж, иж коли бы было колко братьи рожоное, лета зуполные маючих або не маючих, делных або неделных, а одного бы з них або отца их забито, а некоторые с тое братьи дома и в земли не будеть, тогды тот, который бы дома был, маеть братью свою обослати, естли бы в земли были, абы с ним посполу вси головщины доходили сами через себе або через приятеля своего. Естли бы они не хотели посполу з братом своим тое головщины искати, тогды оный, который в дому был, зыщеть сам своим накладом тую головщину, тогды он тое головщины не повинен з братьею делити.

12. Близкие, которые всхотять близкостью головщины искати.

Тэж, коли бы колко братьи або которых иных парсун за близкостью прирожоною кого другого об головщину до суда позвали, а доводу бы слушного не мели, тогды толко один с тых жалобников, которого они сами к тому выставять, будеть повинен о тую головщину забитую сторону обвиненую подлуг права присягнути сам-третей в шляхетстве собе ровным.

13. Межи братьи и сестр рожоных хто маеть головщины отцовское або братьнее искати.

Коли бы колко братьи и сестр рожоных было, а один брат з них або отец забит был, тогды оные братья сами, мимо сестр выпосажоных, мают ся головщины дойскивати. А естли бы братья змерли, тогды дочки выпосажоные мають головщины искати. А естли бы сынове и дочки змерли, тогды мают искати ближние.

14. Хто бы забил отца своего або матку.

Уставляем тэж, иж коли бы хто отца своего рожоного або матку забил, тот горло и честь свою тратить.

15. Коли бы хто брата або сестру забил.

А хто бы брата або сестру забил в надею именя, на него приходячого, таковый отходить оного именя, правом прирожоным на себе спадаючого, которое имене по тых забитых, как по отцу и по матце або тэж по брате и по сестре, на иншую братью або на сестры приходити и спасти мает. А естли бы другое братьи ани сестр не было, тогды тое имене на инших кровных, близкость прирожоную к тому маючих, маеть спасти. А таковый сам мает каран быти горлом.

16. Хто бы на кого дорогу засел, а тот бы был зранен.

Тэж, естли бы который шляхтич кому иному дорогу засел а заступил, хотя не одному самому, хотячи их зранить або злупити, або забити, а в том тот, который доброволную дорогу заседал, через которого оных, на которых ся кинул, забит был; и естли бы ближние того забитого хотели на том присягнути, иж оный его забил за его початком, тогды маеть головщину платити. А естли бы ближние не хотели присягнути, иж есмо при том не были, тогды тот мает ся отприсягнути сам-третей з двема шляхтичи, то ест хотя бы его слуги были шляхтичи, и не будеть повинен таковый головщины платити. А веджо так, иж тую головщину вчинил, боронячи живота своего за початком того забитого, от вины и от головщины прожен.

17. Коли хто кого о кгвалт позоветь ку праву, как маеть перед врадом кгвалту доводити.

Коли бы хто другого о который кгвалт до суда позвал, жалобник, што менил, маеть слушным сведомем доводити. А естли бы сведомя не мел, а знаки того кгвалту были, тогды он сам ближший будеть позваного присягою своею поконати. Нижли естли бы позваному присягати поступил, а оный бы позванный хотел невинность свою очистити, а тот сам, хто о кгвалт позвал, присягати не хотел, тогды тот повинен будеть себе от того кгвалту очистити.

18. Кому бы шкода в чием дому стала або кгвалт на дорозе з ведомостью господара домового.

Коли бы кому шкода в чием дому ся стала або кгвалт на дорозе або где инде з волею або с призволенем, або з ведомостью господара домового, а оный быгосподар был до суда позван, а было бы то на него переведено слушным доводом або присягою жалобниковою телесною за лицом або за никакими; знаками, врадовне переведеными, таковый повинен будеть оный розбой або шкоду своими властными пенезьми оправовати; а тых злодеев искати.

19. Хто бы, на чие село наславши або сам наехавши, побил и поранил, и пограбил.

Тэж, естли бы хто на чие имене або на село, або на люди его наехавши або наславши также раны и грабежи або шкоды некоторые кгвалтом починил, таковый стороне ображо-ной, на чом присягнет або слушным доводом переведет, маеть раны и шкоды оправити и поворочати з навязкою и кгвалт платити стороне, а до скарбу господарского противен. А хотя бы не ранил ани бил, а будеть, наехавши, брал, также маеть кгвалт платити, а люди на чом на шкодах присягнут, то мают им платити.

20. За кгвалт посполитый суседский дванадцать рублев грошей.

Тэж уставуем, иж за кождый кгвалт посполитый суседский, судом переведеным, маеть быти сказано стороне ображоной двададцать рублев грошей а толко ж вины нам, господару.

21. Естли бы шляхтич шляхтича на дорозе розбил.

Тэж, естли бы шляхтич шляхтича на дорозе розбил, а оный розбитый его в парсуну познал и раны свои людем добрым оказал або злупене враду або сторонним людем оказал, а при том оказе або при ранех предся того в парсуну меновал, хто его розбил, а оного бы ку праву позвал, хто его ранил, а оный бы хотел ся отприсягнути, тогды ближние подле ран своих мают присягнути, нижли оному отприсягнутися. А ведже тот, который розбил, не хотел его передеднати а пустил его на себе ку присязе, тогды, скоро присягнет, тот мает каран быти, яко розбойник.

Естли бы на дорозе звадился, а не лупил, толко бы ему дана вина розбойная, тогды ранный маеть присягнути, а тот раны маеть ему платити, а горла для розбою мененого не маеть тратити.

22. О звадах.

Тэж, коли бы хто с ким звадился, а в оной бы зваде обадва ся ранили, а один бы с тых позвался до права або бы ся обадва позвали до права, а светков бы межи собою не мели, хто бы мел межи ними розознати, а один другому бы не допустил, а обадва ся торгнули ку присязе, тогды судьи мають им казати жеребей кинута; тогды чий ся жеребей напервей въимет, тот мает присягнути на ранах своих и на початку, иж он его напервей почал бита, а за оным початкомъ тая ся звада стала. А коли оный присягнет, тогды тот тому присяжному маеть навязати раны, какого будеть стану.

23. О вечерней зваде.

Тэж, коли бы при какой вечерней зваде некоторый чоловек свечу загасил а в том некоторые с тых, которые при той зваде были, а ранен был, не ведаючи от кого, а позвал бы до суда того, который свечу загасил, менячи так, жем я в той зваде ранен был, а не ведаю от кого за причиною твоею, а на то бы довод вчинил, а естли бы доводу не мел, а смел бы присягнути, тогды тот, который свечу загасил, повинен ему раны платити. Также тэж о головщину в таковой пригоде хочем быти сужону. А тот, заплативши раны або головщину, маеть собе винного искати.

24. Хто бы кого неумысльне ранил а до суда был позван.

Тэж, коли бы хто о рану другого позвал, а он, позваный, менил, жем тя ранил неумысльне, а брал бы ся тот позваный на довод, мы, бачачи, иж где никому невинна быти образлива, уставляем и сказуем: тые раны жалобнику мают плачоны быти.

25. Слуга который бы, боронячи пана своего, кого ранил або забил.

Тэж уставуем, иж коли бы в какой зваде слуга-шляхтич, пана своего боронячи, кого ранил або забил, таковый от кождого ест вызволен; але тот, кому будеть надобе, на пане его ран своих и головщины маеть пойскивати.

26. Коли чий слуга, учинивши кому кгвалт домовый або головщину, и втечеть.

Коли чий слуга, вчинивши кому домовый кгвалт або головщину, и втечет, а в его пана через сторону был застан а приповежон, а он через тую заповед его упустил, тот пан сам, чий слуга, кгвалт и головщину, и шкоду маеть платити, а собе искати на слузе. А коли бы тот слуга не приповежон, тогды пан не повинен заступати.

27. Хто бы кому кгвалт або злодейство вчинил або чий чоловек за кого зашол, а он будеть молчати до десяти лет.

Тэж, естли бы хто кому кгвалт вчинил або злодейство або чий чоловек за кого зашол, або хто по ком ручил, або кому бой або грабеж вчинил а будеть того молчати десять лет, тот о тые речи маеть тэж молчати вечне. А кому ся от кого кгвалт стал, а до трех год молчал, тот маеть вечне молчати.

28. Устава головщины шляхетское и вины господарское противку головщины.

Тэж уставуем: естли бы шляхтич шляхтича забил у зваде або которою пригодою, а переведено бы то на него правом, тогды маеть платити за головщину кровным сто коп грошей, а нам, господару, другую сто коп грошей до скарбу. А естли бы, боячися вины, втек з земли, тогды головщина маеть быти плачена кровным з ыменя сто коп ¹⁰⁸ грошей, а противня нам, господару, з ыменя тэж сто коп; а дети того мают на имени седети; а того истого забойцу мают выволати, хто бы забил, якобы безэцника.

29. Который злочинца на смерть будеть выдан за которое-колве злочинство, а от того караня выйдеть, не маеть местца межи добрыми людми.

Тэж, коли бы хто о злодейство або о которое иное злочинство на каране або на смерть выдан и врадом права посполитого сказан был, а в том карани и шию свою пенезми окупил або зася от того караня або от страченя шии через приятелей своих або гостей, послов, панов знакомитых выпрохан был або выправен, або тэж за свой злый вчинок в ката в руце был, таковый кождый без чсти маеть быти а не маеть местца мети промеж добрых людей рыцарских, и не мает болшей того привиля своего шляхетского поживати; а с тых всих, которые бы такого человека осужоного ведомо выправляли або пенезьми своими окупали, того честь и добрая слава на ласце нашой господарской.

30. Хто бы злочинцов, розбойников, злодеев, людей выволаных в себе в дому ховал.

Тэж уставуем, иж коли бы подданые наши, людей подозреных, злочинцов, розбойников, выволаных з земли в дому або в имени своем ведомо переховывали або им некоторую раду або помоч ку шкоде речи посполитое давал и чинил або тэж речей злодейских ведомо поживал, а на кого бы то переведено, тогды тот не инако маеть быти каран, толко яко кождый с тых злочинцов, вышей писаных; а бо всим справедливым правом чинячи а призволяючи однаковою виною мають быти караны.

Роздел осмый. О права земленые, о границах и о межах, о копах.

1. Напервей ся починают выроком кролевским с подписю властное руки его милости: иж хто кому всхочеть через границы або через межи землю отняти, маеть кождого стану, в том артыкуле мененого, и з светки своими шестма, кому право скажеть, сам присягнути.

Тэж уставуем: естли бы которые бискупове и духовные, закону яко римского, так и греческого, и князи, и панове, и пании вдовы, и земяне мели именя и люди, и земли, ловы, лесы, озера и бобровые гоны в границах або в межах, а хотел бы один в другого землю, перешодчи границу або через межи уступати або люди, земли, ловы, лесы, озера, и сеножати и бобровые гоны отнимати, хотячи его с того именя вытиснути, тогды мают с обу сторон по осминадцати светков перед правом поставити; и кого найдуть судьи ближшого ку доводу, тогды с кождогого стану, вышей мененых, мает з шестма светки а сам семый на всем присягати.

2. За давностью земскою ближний будеть держаня своего доводити.

Тэж уставуем, иж кождый держачий за правом своим прирожоным або набытым або тэж за давностью земскою близший будеть держанья своего слушным доводом доводити, то ест людми добрыми, шляхтичи, або листы, або иными людми годнейшими, близкими суседы; чии будуть светки годнейшие, тые мают светчити без присяги их телесное, подле давного звычаю земского, за которых зознает, сторона доводячая реч свою мають одержати; а предся другая сторона, естли будет хотети, маеть правом искати.

3. О рок завитый на землю выехати.

Тэж уставляем, иж рок сторонам ку граниченю судом положоным маеть быти завитый, а прото через жадную причину не маеть далей отложон быти, толко с тых причин, которые особным артыкулом суть описаны: то, первое, мором, соймом валным а службою нашою господарскою, а немоцъю. Коли бы которая сторона, кроме тых чотырох причин, не стала, тогды другая сторона за своим доводом врадовым перед ездоки, на то выставлеными, маеть реч свою одержати подле заведеня светков присяглых, на местцу граничном поставленых, и своее телесное присяги, и тым маеть вжо свою реч на вечность одержати. А естли бы хто перед тым роком был немоцон, маеть дати ведомо судьям и сутяжому, тогды маеть то отложоно быти, поки он выздоровееть; на другом року перед судьями маеть присягнути на том, иж справедливе на оный час был немоцон. А естли бы судья был немоцон а перед роком ся рознемог, на тот суд быти не мог, тогды маеть другого приятеля своего на свое местцо установити через лист свой; а тот маеть такжо на его местцы судити, и тот его суд маеть так же моцон быти, как и того самого.

4. О вказанье границ, которые лепшие.

Тэж уставляем: коли бы который судья або ездок от права высланый был на розезд, тогды тот судья, ездок оную сторону, которая лепшие и знакомитшие привиля и листы, и знаки або копцы, або тэж грани вкажут, будет повинен ку доводу припустити. А естли бы с обудву сторон знаков не было, тогды, чие светки годнейшие будут, того маеть ку доводу и присязе допустити. А веджо не таковые мают ся розумети светки, штобы была шляхта, але тые светки шляхта и люди добрые, неподозреные, которые будуть суседи близкие и сумежники, тые годнейшие будуть ку сведецству, нижли тые шляхта, которые не граничники и не сумежники.

<5>. О землю обрубную и о сумесные как мают довод чинити.

Теж уставляем: естли бы хто с ким будет право мети о землю обрубную, тогды которой стороне повод усказан с права, светков своих, подле обычая права, осмнадцать повинен будеть перед правом поставити и по три разы водити; а сторона с тых трох одного обирати маеть, аж покуль шесть мает обрати; и как тот пан або земянин с тыми светки присягу вчинившы заведет, потоле мает граница чинена быти. Нижли естли бы право мели о землю сумежную а не у одном местцу порозну, тогды и на кождой межи мает сам з шестма светками повинен будет присягати. Нижли светки, которыи на первой межи присягнут, на другой межи того ж часу светчити не могуть.

<6>. О повод естли бы ся суди згодитися не могли.

Теж уставуем: коли суди, от нас, господара, взятыи албо от панов рад наших, выехали на коку, тогды мают ся справовати тым обычаем: первей мают сами ся обослати и зложити местцо и где мают выехати и, снемшы посполе, выслухают речей обеюх сторон, яко жалоб, так и отпоров, и объехати землю обеюх сторон, куды поведуть, и смотрети листов и знаков: чии будуть листы албо знаки лепшии, того мають ку доводу припустити подле обычая права. Пак ли бы суди спор мели о повод, а згодитися не могли за спором своим, одна одной стороне фолкгуючы, тогды, выслухавшы жалоб и отпоров, исписати мають и, не выпускаючы сторон з моцы своее от права, запечатавшы реестр тых речей своими печатми, мают послати до воеводы, в которого повете тое право будет, и науку взяти, хто будет близшый ку доводу, а сами оттоле зъеждчати дотол, покол науку от воеводы возмуть, не мают, олиж мают, науку воземшы, наконец справедливость возмуть, не мают, олиж мают, науку воземшы, наконец справедливость вчинити. А вшак же которая сторона судей видячи кого близшого ку доводу а фолкгуючы стороне противней сказати не хотели, тогды поколе будет наука от воеводы. А што обедве стороне на светки и на суди наложать, повинни будут тые суди сами оправовати.

5. У сведецстве жадного иншого закону не мети, кроме хрестьян римского закону и греческого.

Тэж уставуем, иж светки о реч земленую и о довод держаня земли не мають ку сведецству припущоны быти жидове ани татарове, одно хрестьяне латынского або греческого закону. А веджо и межи тыми хрестьяны, которые бы на кождый год в плебанов або в попов своих на их споведи бывали ани у славе межи околицы, ани в злодействе, ани в фалшивстве, тые мають допущоны быти сведецства о земское дело и о держане земли. А хотя бы хрестьяне, будь латынского або греческого закону, которые Божего тела не приймуют и на исповед не ходять, тые в жадном сведецстве перед правом не мають допущоны быти о земную реч.

6. А хто маеть з державцою копу вести.

А естли бы который земянин мел право з державцою або с паном, а тот пан або державца мел бы у своем повете имене сугран, а мели бы копу вести, тогды того пана держаня, который держить, не маеть быти простый чоловек поличон за светки, кром шляхты або инших поветов людей, годных веры, близких в суседстве.

7. Роки как мають положены быти о земское право.

Хочем тэж и уставляем, иж кождый очивисто рок ку граниченю толко кроть, колко кроть бы надобе было, маеть быти на недели правом положон. А которое стороны судья выедеть, того сказаня на обе стороне будут повинни приняти, небытностью других судей не вымовляючи, кром службы земское або хоробы, або тэж естли бы хто в речи нашой земской в руках неприятелских был або в поселстве от нас был послан. А естли бы хто через лист, а не очивисто судей або ездоков на землю взял от нас, господара, або от панов рад, а тот бы о том з ним очивисто не мовил и в тот часъ не был, тогды маеть взяти до того лист от судей за дванадцат недель перед роком того права и ему ведати маеть дати, абы он к тому року чим налепей зготовал и зася того не вымовлял, абы ку тому року ся зготовал, и будет повинен отповедати, яко на завитом року.

8. Хто бы кому границу або межу сказил.

Естли бы шляхтич шляхтичу границу сказил або огнем выжог, вырубал кгвалтовне и яко-колвек инак, а было бы то на него переведено, тогды таковый маеть заплатити ображоному двенадцать рублев грошей, а естли бы межу переорал, тогды три рубли, а вины толко ж. А естли бы мужик мужику то вчинил, тогды мужику рубль грошей а вины толко ж. А надто границу або межу, через него скажоную, будет повинен з урадом направити по-старому. А естли бы тая граница або межа здалася ему в кривде, мает ее правом спирати, а не кгвалтом.

9. О лес суместный и о проробки.

Тэж уставуем: естли бы хто мел лес суместный, тогды мает кождый з своего поля против себе проробки чинити, а от леса ни один одного не маеть заходити, а як сотнутся топоры, тут будеть граница. А веджо естли бы один дуж был и болшей проробил, нижли другий, а оному бы ся видела кривда, а он бы его потягнул до права, тогды маеть сослано быти и осмотрено; тогды оный маеть лесу дати против проробков, што болшей проробил, хотя не так доброго, поки тот проробить. А коли оный тот лес проробить, который мало мел, а ровно столко ж проробить, колко и оный, тогды мают в лыко и лихое и доброе поделити на полы. А естли бы оный не мел лесу ему отвести, што болшей проробил, тогды ему мусить проробков своих на пол поделити.

10. Кому бы межи имени река граница была.

Коли бы межи которыми дединами река вместо границы была а под часом сама на чию ся дедину повернула за старое речищо, тогды однак межа або граница по старое речищо маеть быти держана своего берега стародавного; а оные реки половину маеть поживати в ловени рыб и у-в ынших пожиткох. А естли бы хто реку перекопал умысльне ку шкоде суседа своего, а тот бы его о то ку праву позвал а довел бы, тогды маеть оному право сказити, абы зася реку по-старому загамовал и шкоды и гоны бобровые и иные ему оправовал.

11. Естли бы хто своим ставом инший став або сеножати затопил.

Коли бы хто у своей дедизне суполную реку мел, то ест обадва береги его, а на ней ставы и млыны поставил а суседнии вышшии млыны своими млыны затопил, тогды маеть вижа з ураду взяти и з вижом маеть спустити воду и шкоду затопленому оправити маеть водлуг слушного доводу. А естли бы сеножать затопил без воли того, чия сеножать ест, тогды, будет ли его воля отмену взяти, он маеть ему отмену дати; а пак ли бы на то его воли не было, и он нехай по тому держить воду, как бы его сеножати шкоды не было; а и воду тэж так маеть держати, как бы верхнего млына не затопил. А естли бы половину реки мел або хотя и суполную реку мел, а присыпал греблю к чужому берегу або сеножать затопил без его дозволеня, тот тую греблю роскопаеть, тогды не повинен будеть кгвалту платити, бо нихто не маеть без дозволеня к чужому берегу гребли засыпати ани ставу заняти.

12. Хто бы хотел к чужому берегу став заняти.

Тэж хто бы хотел к чужому берегу заняти став або чужие сеножати потопити або покосити, або лес порубати, або поля поорати, тогды маеть такжо того вижом обослати и заповедати под закладом; и сужона маеть быти тая каждая реч тым же обычаем, яко стоит в том артыкуле вышей писано.

13. Хто на чией земли посееть збоже, как маеть заповедати вижом, абы не звозил до права под закладом.

Тэж хто коли на чией земли жито посеет, тогды, хто поведаеть свою землю, маеть взяти вижа во врадника, в чием повете седит, и маеть заповедати ему под закладом на нас, господара, и на врадника, штобы он того жита долов не вез, а, пожонши, поставил на той же земли до права; и, рок положивши, мають с обу сторон ездоки вывести. А естли бы тот, хто заповедал, правом перевел, што ж он тое жито будеть сеял на его властной земли, тогды маеть быти ему как земля, так и оное жито. А естли бы он через тот вышей писаный заклад, права не дождавши, оное жито пожонши, звез долов, тогды мает тот заклад и жито платити з навязкою. А естли хто будеть на своей земли властной сеяти, а он ему то заповедаеть, а того правом не переведеть, ижбы земля его была, таковый тот заклад маеть сам платити до скарбу нашого господарского и шкоды тому оправити. А то ест шкоды: естли бы чие жито за заповедью погнило, або тэж оный, хто ездока вывел и на него наложил, а того, на кого жаловал, не довел, тогды тое жито мает тому платити и тую шкоду всю маеть тому оправити. А то ест заклад хто бы кому хотел через границу шкоду вчинити в тых речах, нижей писаных, тогды мает заклад таковый быти: на нас, господара, сто рублев, на державцу дванадцат рублев. А естли бы о межах была заповедь, тогды мает заклад быти на нас, господара, дванадцат рублев, на державцу три рубли. А тая заповед житу и сеножатем мает быти до Божего нароженя.

14. Хто бы земли в держаньи был три годы, а другий бы, правом не переперши, жито пожал або жатое побрал, або бой вчинил и сохи порубал.

Тэж уставуем, иж коли бы хто которую землю держал во-в покои три годы а с покоем сеял або орал, а хто бы, пришодчи на тое поле, пожал або жатое взял а вдарил самого або чоловека его, або которого-колве, або вола, або соху зрубал, таковый маеть платити кгвалт дванадцать рублев грошей, а нам, господару, толко ж. А естли озметь без бою, тот маеть шкоду платити з навязкою, а потом, коли хочеть, держачого о тую землю правом вродовным спирати. А естли бы хто в кого отнимал, а другий того боронил а в держане не дал, тому маеть право быти; и хто в земли винен будеть, тот мает шкоды и кгвалт оправити.

15. Хто бы светки ганил.

Коли бы хто своволне стороне доводячой светки ганил, то ест естли бы он подлуг права поставил осмнадцать светков, а тот бы межи тыми осмнадцатма светки не обобрал шести, годных веры, и их отставлял, хотячи ему тым права кончане переказити, а тот, доводячий, другими ся светки не осмотрел, а мел бы тым на оном року завитом реч свою впустити, тогды таковый моцон будет о тое светков своих наганене там же перед судьями их очищати. А коли тые судьи взнають, иж ему тых светков своволне зганил и отставил, а они ся выведуть, тогды таковый оставуючий кождого с тых светков зганеных, водле стану кождого з них, будеть повинен навязывати водлуг роду их: шляхтича яко шляхтича, а хлопа яко хлопа так, яко бы его ранил.

16. Коли бы хто светков наганеных перед судьями не очистил.

Коли бы хто тых же светков своих перед тыми судьями зганеных всих не очистил, тогды хто светков заганить, а оные светки заганеные не очистилися, тогды тые светки, которые не приганены, мают присягати. А естли бы с обу сторон светки межи собою заганили, тогды тые светки на обе стороне мают отставити и знову инших светков с обу сторон мают поставити неподозреных, и межи тыми, которые будут годнейшие, тые мают сами з светками присягати.

17. О увязыванье вы именье за долг або за которую иншую причину.

Коли быхмо которого дворанина нашого послали або з ураду которого воеводы в чие имене увязывати сторону або которого врадника нашого за долг або за которою-колвек иншою причиною, тогды тот увяжчий, кого будеть увязывати, маеть то чинити з людми добрыми, сторонними, з двема або с трема шляхтичи; вси статки домовые, которые-колве речи в оном имени або у дворех будуть, мает верне пописати под сведомом тых людей добрых. А естли бы тот увяжчий иначей вчинил, тогды маеть оную шкоду платити, што-колве у-в оном дворе в тот час згинет, на што слушный довод вчинит або на чом шкодный присягнет. А естли бы увяжчому нечим платити, ино его за шию выдати. А пак ли бы тот увяжчий слушне то перевел, иж тое имене со всими статки и речми, на имя пописаными, кому иному подлуг воли и науки нашое господарское подал, тогды вжо тот, который в увяжчого тые статки и речи побрал, винен сторонам, на которые прислушает, перед правом за то отказывати и оправити.

<20>. О люди, которые приходят на волю и, заседевши волю, проч идуть, што мают платити.

Теж уставуем, иж коли бы чоловек волный пришол за которого князя албо за пана и сел на воли и, выседевшы волю, хотел зася проч пройти, тогды олиж толко ж заслуживши тому ж пану своему, колко на воли седел. Естли ж бы не хотел толко ж заслужите, тогды мает пенязми заплатити за кождую неделю по шести грошей. Естли ж бы он заседевшы волю и втек за другого пана, тогды тот, за кого втек, мает ему его выдати не мней, але яко отчича. Пак ли бы на обсылане его того чоловека выдати не хотел, а то бы на него перед правом доведено, тогды мает сам за него платити за кождую неделю, колко на воли а не робил, по шести грошей. Естли ж бы тот чоловек ему приручон был, а он его выдати не хотел, и он зася от него втек, тогды он сам повинен будет тому, от кого первей до него втек, платити яко за отчича десят коп грошей и за сынов его, колко с ним втекло будет, по десяти коп грошей и засе, колко не робил, седечы на воли, за неделю по шести грошей.

<21>. Чужого чоловека земли не мает закупати без воли пана его.

К тому теж уставуем, иж не мает жаден боярин ани чоловек в чужого чоловека земли закупати без воли пана его. Естли ж бы в чужого чоловека землю без воли пана закупил и што на ней посеял, тогды тое сеяное и пенязи тратит, а тот пан, чия земля, мает без откладанья пенязей землю ку своим рукам узяти; а он и по том чоловеце его, в которого будеть землю закупил, и на паручнику, через чии руки пенязи дал, искати не мает, для того иж то он учинил на тую уставу нашу. Также и чужого чоловека не мает нихто закупати без воли пана его.

<22>. Естли ж бы хто с ким положил право межи людми своими под страченем права, а сам не станет, тот реч свою тратить.

Теж уставуем: естли бы хто положил рок под страченем сами межи собою и людми своими справедливость чинити, а которая сторона на тот рок не станеть и судей и людей своих не поставит, и перед роком за часу знати той стороне не дасть, для которое причины к тому року готов не был, тогды тую речь свою тратить, а той стороне, которая не станет, мают суди его всказ вчинити и шкоды всказати, на што довод слушный учинить. А естли на которую речь доводу не будет, тогды мает присега вчинена быти: естли в речы самого о кгвалт и о шкоды, тогды сам пан, а в речы людей его люди.

18. Коли бы зе зволеньем обеюх сторон дано имене в руки господарские, а господар дал то держати до россудку кому, а тот бы тое имене сказил.

Тэж уставляем, иж коли бы обе стороне зволили и дали имене в руки наши господарские до росправы, а мы быхмо которому враднику нашому через листы наши або через увяжчого оное имене до воли нашое або до навченя нашого господарского в держане дали, тогды врадник волен будет в том имени слушную живность мети на себе, а з двора не маеть инде ничого возити ани з жоною з детми не маеть в нем лежати; а оное имене со всими речми рухомыми также и з доходы, часу держаня собраными, оной стороне, которой прислушаеть, верне а зуполне вернути мает за листом нашим господарским; а осмотрети того, жебы в оном имени за держаня его жадная ся шкода и спостошене не стало. А естли бы тот врадник иначей вчинил, повинен будеть оной стороне зашкожоной всю шкоду и згубу; а мы и потомки наши винни будем с ним той стороне справедливость вчинити на первом року, яко и на завитом, а в небытности нашой панове рады наши.

19. Которыи братья або близкие маючи имене нерозделеное а перед правом зровнали и росписали, тот дел мают держати вечно.

Уставляем тэж, иж коли бы которая братья рожоная або и далшие в роду, нижли братя, лета зуполные маючи, мели которое имене уместное, нерозделное, а потом перед правом собе зровнали и росписали, тот вжо дел промежи себе мають вечне держати. А коли бы тот дел не перед врадом, але перед сполными приятелми своими также в имени собе сознали и росписали учинили, а тот дел промежи себе через земскую давность через десять год держали, таковый дел вжо за тою давностью земскою мают тэж промежи себе вечно держати.

20. Естли бы положон был рок праву не под страченем, одна сторона станет, а другая не станет, мает дано быти увязане той стороне в то, о што ся правують.

Тэж уставуем: естли быхмо мы або панове рады наши положили кому рок право мети о землю не под страченем права, а одна сторона бы на тот рок сама стала и судей своих вывела, а другая сторона сама стати и судей своих вывести не хотела, тогды тые судьи, которые выедуть, за непоставлене другое стороны мають тому, который на тот рок станет, в тую землю або в люди, о што ся правують, у держане дати в шкодах и в накладех его, што наложит на тое право, на чом врадник его присягнеть, то ему платити маеть. А заплативши тот наклад и шкоду его, маеть предся судей с обу сторон выводити и право о то мети. А естли бы тот впором своим в тую землю або в люди вступал через увязане тых судей, маеть позван быти ку праву, а право маеть на нем за то усказати кгвалт и наклады, и шкоды, а предся в том кгвалту и в шкодах, и накладех его мают ему увязане дати в тую землю албо в люди, во што первей будуть судьи ему увязанье дали; а оный первей заплативши кгвалт и шкоды, и наклады его, тож маеть з ним знову о то право мети.

© Валерый Пазднякоў, 2010, 2015