Дакументы: Статут Вялікага Княства Літоўскага 1566 г. 2. Прывілеі 1563, 1564, 1565 г.

Статут Вялікага Княства Літоўскага 1566 г. Віленскі прывілей 1563 г., Бельскі прывілей 1564 г., Віленскі прывілей 1565 г.

Статут Великаго Князства Литовскаго.

Починаются привилея до стату выданые и справованые, где и в котором месте през дозволенье короля его милости и панов рад их милости здешнего панства Великаго Князства Литовского.

Привилей Виленской року 63.

Во имя Божъе стан се. Ку вечной памети тое то речы. Кгдыж вси справы с часом с паметей людских сплывають и в забытие приходять, для того то есть вынайдено, абы писмом обълснены были ку ведомости потом будучым. А про то мы Жыкгимонт Август, Божъю милостью король польский великий князь литовский, руский, пруский, жомоитский, мазовецкий, инъфлянтский и иных панств дедич, чыним знаменито сим листом нашим нинешним и на потом будучым, кому будеть потреба того ведати. Иж кгды есьмо вызвали через листы наши на сейм валный, в столечном месте нашом у Вилни зложоный, панов рад наших духовных и свецких, княжат и панят, врядников помененых, дозволили есьмо и дозволяем привилья прав и волностей земских в статут новописаный вложыти и вписати, по томуж обычаю як в Короне Польской прывилья и вольности шляхецкие в статут уписаны суть; за што вси станы, чынечы дяки с чоломбитьем нам господарю пану своему прырожоному, донесли нам в том прозбу свою, иж в тых же привильях земских некоторые артыкулы потребуют шыршого объясненья ку латвейшому вырозуиенью. А в том на первей, яко се стало обдарованье и наданье от прадеда нашого, святое памети славное Якгела короля польского наивышшого Великаго Князства Литовского, в которых то ест описано: за злученьем панств под оным часом Коруны Польское з Великим Князством Литовским, за выданьем того ж прывилья там же в Коруне Польской в Городле, иж панове шляхта бояре земль наших Литовских дарованьем прывильями и наданьем им даным узычоным и подаными только повшехное, то ест соборное веры християнское к рымскому костелу поданыи, мають се тых вольностей веселити и учасниками быти и ужывати, яко панове шляхта Коруны Польское свое вольности держать и их ужывають. А другий артыкуль иж на достоенства и преложенства не мають быти обираны, едно если были бы повшехное веры християнское и подданые рымскому костелу, а ни теж уряды которые земские, одно людем веры хрестиянское и до рад наших не мають быти припущоны, а ни в них бывать, яко ж после того тот прывилей на вольности наданый утверженье деда нашого Казимера и стрия Александра и отца нашего Жыкгимонта Першого, славное памети королей польских и великих князей литовских, и потом и наше потверженье тыми ж словы уписан, О чом вси одностайне били нам чолом, абыхмо то в потверженье слушное прыведшы нашим листом и привильем достаточне объяснили. Мы с паны радами нашими обачившы, иж перед тым, ниж тот привилей в Городле выдан, станы а народы шляхецкие знакомитыми Речы Посполитое и продком нашим заслугуючыся значне вывышоны и учтены были, яко то и в ином том прывильи на пачатку его меновите описаны, таковые станы на тот сойм до Городна приехали. А к тому иж теж бываючы, и не толко рымского костела послушные, але и греческого в лавицы рады продков наших и нашое также и иншие вси станы, на розных службах наших бываючы, верность и сталость свою ку службам продков наших и нашим охотне, яко добрым и верным подданым належыть, завжды и зо всякою сталостью показовали. А так уживаючи вси тые зацные слуги, и бачечи же в том привилью некоторому уваженью, хто гербов не брал, также и тых хто веру греческую держечи, противко продком нашим и нам господарю верность свою стале показують, одно иж на том сейм не вси были, а звлаща станы Руских земль, про то не уймуючы и ни в чом не нарушаючы оных перших привильев, от продков наших и от нас господаря наданых, але во всем при моцы зоставуючи и заховаючи; только тые два члонки и артыкулы вышейописаные объясняючи и ровняючи с порадою и призволеньем панов рад наших духовных и свецких уфаляем и хочем мети. Иж от того часу, не только тые панове шляхта и бояре або потомкове их всих земль наших того панства всего нашого дарованья привильев и наданье всех волыюстей и справ земских уживати и с ним се веселити мають, которые суть подданы Римскому костелу и которих тежь продкове клейносты и гербы в Короне Польской приймовали; але теж и вси иные стану рыцерского шляхецкого, як литовского так и русского народу одно бы были вери хрестиянское, и теж которые продкове клеинотов або ли гербов с Коруны Польской не брали, однако и заровно того всего вечными часы уживати и тых вольностей веселитись, яко перед тым здавна и до того часу тых всих вольиостей стану рыцерского и шляхецкого обоего народу як литовского так и руского уживали и с того се веселили. Так теж и на достоенства и преложенства всякие и до рады нашое и на уряды земские и дворные, не только подданы костелу римскому от того часу обираны и прекладны быти мають, але однако и заровно вси рицерского стану з народу шляхецкого люди веры хрестиянское, як Литва так и Русь, каждый водле заслуг и годности своее от нас господаря на местца зацные преложенства з ласки нашое браны быти мають. А жаден з стану рицерского и шляхецкаго з стороны закону своего, будучы веры хрестиянское человек, не маеть быти от того отдален и отлучон для которых двох артыкулов и члонков в тых первых привильях описаных. Веджо и тое наданье вольностей и прав земских, у привильи Короля Якгела Князя Витолта сполном описаный, поставлено и справлено есть в Коруне Польской так, як тот помененый привилей светчит, про то на першом близко пришлом валном сойме, которий от нас зложон ест, обоим тым панствам Коруны Польской и Великому Князству Литовскому тое поровнанье, будет ли потреба еще с большим примноженьем волности, иншим листом нашим взновити, за сполным зволеньем обоего панства нашего Коруны Польской и Великого Князства Литовского панов рад своих станом, хочем обецуем не мешкаючи а ни уймуючи вжо ни в чом сему листу нашому, и о вшем при моцы не порушно зоставуючы его на вечные часы. Якож на утверженье тое речы печать нашу маестатную казали есьмо привесити к сему нашому листу подписавши его рукою нашою господарскою. При том были панове рада наша их милость: князь Валериян, бискуп виленский; князь Януш Андрошевич, бискуп луцкий и берестейский; князь Миколай, бискуп киевский; пан Миколай Радивил на Олыце и Несвижу княжа, воевода виленский, маршалок земский, канцлер наш наивышший Великого Князства Литовского, справца староства Жомоитского, державца кормяловский; пан Григорей Ходкевичь, воевода киевский, маршалок земли Волынское, староста володимирский; князь Костентин Костентинович Острозский, воевода новгородский; пан Павел Иванович Сапега, воевода витебский; князь Стефан Андреевич Збаразский, воевода подляшский, староста менский, державца лысаковский, межирецкий и винский; пан Василей Шишкевич, маршалок дворный, подскарбий земский Великого Князства Литовского и писар наш, староста могилевский; пан Остафей Волович, подчаший наш Великого Князства Литовского, староста дорогицкий; пан Миколай Кишка с Техановца, крайчий наш Великого Князства Литовского, староста бельский; пан Щасный Александрович Ходкевич, столник наш Великого Князства Литовского, староста плотельский, державца тельшовский; пан Ян Ходкевич, староста житомирский; князь Роман Федорович Санкгушкович, конюший наш дворный Великого Князства Литовского, староста мелницкий, державца кгереноивский; пан Ярош Корыцкий, подскарбий наш дворный Великого Князства Литовского, державца пунский и жижморский, пан Станислав Захарьяшевич Влошин, мечник наш Великого Князства Литовского; пан Щасный Скрутьевич, хоружий земский, державца радунский; пан Щасный Герцык, маршалок и писар наш, староста тикотинский; пан Ян Шимкович, писар наш, конюший городенский, державца ошменский, вилкейский и красносельский, пан Ян Миколаевич Гайко, писарь наш, державца марковский и мядельский; пан Миколай Нарушевич и иные панове маршалки, старостове, державцы и врядники наши земские и дворные. Писан у Вильни лета Божъего нароженья тисеча пять сот шестьдесят третего, месяца июня осмаго дня. Подпись руки господарское, подпись руки пана канцлера.

Привилей Бельскый, принятъе унеи, рок 64.

Жикгимонт Август Божию милостию король польский, великий князь литовский, руский, пруский, жимоитский, мазовецкий, ифлянтский и иных.

Чиним знаменито сим нашим привильем всем посполите нинешним и на потом будучим, кому того потреба будет ведати, або чтучи его слышети; паметаючи то иж речи и справы людския, бы теж и наименьшие на свете оказовалисе, с часом сполом з людьми с паметей людских сплывають и в забытие бы приходити мусели, где бы писмом на пришлый час всем по нас будучим ознаймены и утвержены не были; а естли меншие речи в звычай от початку веков для помененых причын писмом опатровати звыкли, тогды больш таковую, которая з обудву сторон подле воли и приказанья Божьего, што господарю и пану християнскому противко верных подданых ку пану, подлежит полнится. А про то мы досведчивши не одного через весь час панованья нашого, але з давных часов веков щастливого панованья продков наших королей польским и великих князей литовских, велебных в Бозе велможных шляхетне врожоных князей панов шляхты бояр и всего рицерства обывателей Великаго Князства Литовскаго и всех земль того панства, не только з особ теперешних, але и з вечных продков целое веры статечное цноты правдивых значных и пожиточных заслуг ку нам паном их, от их же самых волие яко от людей волных выбранных, и ку Речи Посполитой того панства не в частех особливых але во всем чиненых и выполненых, не виличаючи траченья маетности, а што болшого выливанья крове, выношенья горл и животов противко дому неприятелеви мужне а стале, яко належало на правых рыцеров шлякецского народу и крове в потребах Речи Посполитое того панства и в службах нас господарей их, немней теж не опущаючи але ни в чом стороны нашое и продков наших великих князей литовских, а звлаща з особы нашое досыть звыклости добротливости пристойное, а присяжоный з милостью повинности нашое ку тому панству нашому и обывателей вышей менованым, межи которою повиностью тая иж меншая есть справедливость чинити постерегати и розмножати ее звирхностью а належностью вряду нашего господарскаго. Про то отец наш, славное памети Жикгимонт, король польский великий князь литовский, часу щастливаго панованья своего и при подношенью парсуны нашого маестату на тое панство, за валным обраньем тых же всех панов и обывателей Великого Князства Литовскаго, з уфалы постановенья и прозбы их же всех выдати и утвердити рачил ку справованью и захованью, то ест справедливости светое, статут прав и поступков хрестиянских, которая справедливость ач и пред тым в том панстве нашом Великом Князстве Литовском звычаем стародавным была, ведже писмом не объяснена была а ни утвержона. Который статут тот же светое годное и фалебное памети отец наш и мы по вдорослых летех наших не толко привильями споможеньем иных вольностей хрестиянских, здавна тому панству наданых, але присегами нашими утвердили; и тым жо статутом парадок правный шол и тепер идет в том панстве межи всеми, аж до сих мест, то пак же в справах бегу правного мало не шкоден на розных местцах и урядех поправляют речы и артыкулы новые а розные, которые в том статуте не были, и не суть описаны, одно противные статутови а ку понетью и уфале годные, других теж як час и потреба принесет надобе ест поправити и еще новых прибавити згожаючи и примножаючи их прав выббраных и уфалы годных хрестиянских, а з добрых лепших обираючи допустивши. А вдячне с пофалою и с позволеньем нашим принявши прозбу и жадливость тых же премененых станов Великого Князства Литовскаго, посведчаючи и видечи прозбу их слушную, допустили есмы им того статуту першого, тых то прыпадков а потреб наверху назначоных, поправити прибавити разширати уняти, а доложити подле наилепшаго напотребнейшаго скутку и доконалости. Якож за волею и допущеньем пашим а позволеньем рад наших обраны на то были через них же самих и с посродку тых же станов особы певиые, рады наши маршалкове земские, хоружие и иные особы роду и народу шляхецкого, справ чужоземских, которие заседши не одно поправили тот статут старый, але теж повым кшталтом некоторие розделы звлаща судовые за засаженьем новым обычаем суду и порадку судового то становили и написали. А иж ку ровной а однакой справедливости всем была того потреба, абы стародавный обычай владности суду воевод старост и иных врадов старых уступил судом новым порадком в сем часе учиненых постановеных и в статуте описаных; а к тому за се противно было и забегло звечные звыклы и упрывильеваные вряды достоенства и належности судов панов воевод маршалков земскаго и двориаго, и земли Волынское и их старост и державец врядов. Про то сами тые панове воеводове, а меновите на тых достоенствах теперь и на весь час будучи: воевода виленский маршалок земский, канцлер наш Великаго Князства Литовскаго, староста берестейский, пан Миколай Радивил; воевода троцкий, гетман наш наивышний Великаго Князства Литовскаго, староста мозырский, державца лидский, белицкий, пан Миколай Юрьевич Радивил; староста в земли Жомоитской пан Ян Еронимович Ходкевич; воевода киевский маршалок земли Волынское, староста володимерский, княз Костентин Костентинович Острозский; воевода новгородский, пан Павел Иванович Сапега; староста луцкий и веницкий, князь Богуш Федорович Корецкий; воевода витебский, князь Стефан Андреевич Збаразский; воевода подляшский, староста менский, пан Василей Шишкевич; маршалок дворный, подскарбий земский Великаго Князства Литовскаго, писар наш, староста могилевский, пан Остафей Волович, и иные врадники земские и старостове и все державцы, и которих колвек владности судовые в том панстве нашом Великом Князстве Литовском перекажали и вперед перекажати бы могли тому статутови и порадку и засаженью судовному постановеному и списаному, пришедши и постановивши перед нами обличне по доброй воли своей, маючи напрод Пана Бога и справедливость светую перед очима своими, важили больш тую а нижли которое в том по воли звирхности владности и пожитки свои, над все наследуючи приказанье Божое, которое учит миловати ближнего своего яко себе, а с тогож показуется абы один другого ничого не пожадал, а если чого иного тогды надо все справедливости инакшей мети не хотел, милуючи Речь Посполитую а в ней братью зо всиии владностями свою молодшую народ шляхецкий а рицерский, а суды свое зо всими владностями и пожитки, которые по звирхности судов наших господарских немней на них належали, обычаю первого мененого и водлуг статуту старого выступил, и зо всими пожитки таковых их милость панове врадников слуг и децких пересудов и вин а отозвов, а в теперешнем новом статуте апеляцыи, то есть отбыванья, и теж звычаю права корунного судов и справ всех воеводских отступили и выреклись. Наконец не только их милость панове воеводове и иные врадники владности и всяких пожитков своих судовых и за владностью и поступком судовых належачих отступили; але теж поспол князи, панове, маршалки, панята, и яким кольвек обычаем названые врадники нашими, и вся шляхта никого не выймуючы, почавшы от старшаго по нас господаря аж до наименшаго так духовный яко и свецкий Великаго Князства Литовскаго, на том сейме великом вальном Бельском в одно ровное право в однакий а не инакший суд моц и поступки судовые и послушенства, а порадок врадов на суды выбраных и высажоных, сами и потомками своими поддали и поддают; а себе при них тому досыть чинечи вечньши часы обецали, яко в том статуте з уфалы всех, а через особы от тых обраные и высажоные, описано постановено и розмножоно и над то сполне и одностайне вси жадали и били нам чолом, абыхмо мы господар на то позволивши, а где бы теж в чом перекажало што стороны звирхности нашое господарское, яко великого стародавных судов наших тому статутови порадку и артыкулов в нем описаным, зложивши и поступивши то и не допущаючи тым тому, и так светобливой справе перекажати утвердити им в посполитости оный статут наш листом. А так кгдыж початок тое побожное справы в становенью того статуту был з воли Великого Князства и за доконаньем его, на него зволивши и под него в шафованье справедливости своее поддавшисе, нам о то с чоломбитьем своим просили. Мы знаючи тот народ того панства быти годными всяких вольностей налепших и справедливости, которая за справою и порадком правным слушным задерживает и еще примножает, не одно вольностей и пожитки плодечи, але теж способляючи розшираючи панства, а надо все полничи волю и учинность нашу, к тому прихиляючи и утверженье всим обывателем здешним, шлюбуем и обецуем и прирекаем, под тоюж присегою Великого Князства, тот статут новый не только сим привильем, а теж словом нашим господарским за нас и все потомки наши, короли и великие князи литовские тому панству Великому Князству Литовскому и всим чинили держати ховати, водле того их радити судити и справовати и от кождого насилья моцы кгвалт и наменшее образы в том статуте боронити и не допущати ни в чом никому. Так теж паном воеводам и всим врадником, где хотели чого они держати засе старые владзы судов отозвов и пожитков своих, вдавати и их попирати и выламоватися мели з ровности судов, в которую се тепер перед нами вызнаньем своим поддали, иы сами и потомки короли и великие князи литовские не допустим и не дозволим, але боронити и стеречи будем, абы во всем и во всех артыкулех цел тот статут был захован. Веджо если бы в чом потреба была того статуту и артыкулов которих в нем поправити; тогды на сейме тых, которые на сесь час при становенью унеи Великаго Князства Литовского с Коруною Польскою захован ест, вперед при моцы Великому Князству Литовскому за волею нашою господарскою можно и волно будет, сполным а одностайным намышленьем радою и позволеньем всех станов родичов и обывателей оного панства Великого Князства, тот статут и артыкулы в нем поправляти прибавити розширати, будь теж чего и доложити албо уняти, штобы одно з лепшим ку досконалшому захованью и порадку справедливости светое вынайти и постановити могло; а мы то все вперед в том статуте таковым обычаем, яко верху доложоно, з полного зволенья всих обывателей поправено и уфалено будет, утвержаем сим жо нашим привильем, и хочем и обецуем то во всем моцно держати и ховати под обовязками нашими вышей менеными. А к тому теж дозволили есьмо и допущаем тепер заразом тот новый порадок и росправов засаженью судов и обиранью на то врадников и розложенья мейстц на суд и на положенье и хованье книг судовых учинити и постановити; а которим способом они вси станове панове рады их милост княжата панята врадники земские и дворные и все рицерство шляхта обыватели того панства и Великаго Князства, сполне на то позволившися и згодивши, тот порадок и кшталт засаженье судов обранье и становенье на то врадников разложенья поветов и мейстц и роков на судьи и на хованье книг судовых учинити и постановити, то вжо в той мер таковым обычаем вперед трывати но и справовано быти маеть. А мает ся тот статут и вси справы поступки порадки и вступ а початок его зачати от дня свята светаго Мартина в року теперешнем тисеча пять сот шестьдесят четвертом, и владностью моцъю а описаньем артыкулов, яко се вышей в сем привильи нашом поменило, ити и деятись и полнити вечиными часы непорушно. Однож што се дотычеть речей из розницы и долеглостей прошлых, кому бы того о што кольвек лело было, и хто бы право которое свое водл уг першаго обычая и бегу права посполитого статуту уфал соймовых обварованье мел; тогды о то все ач колвек один другого вже от часу замереного до суду кшталтом тепер новым постановеным и перед судьи и иншие врады судовые тым новым порадком засажоный росправленый и постановленый притегати мает; ведже таковые давные и прышлые речи розницы и долеглости всяко стану мають быти сужоны и росправованы через тых же судей новых поветовых водлуг старого статуту и обычаю права, а тот новый статут и артыкулы его не будут мочы моцъю и владностью своею у жадного суда прошлых речей и справ, а справедливости людское водлуг першаго статуту и бегу права посполитого слушие обварованых и опатреных, касовати и казати. Веджо што се дотычеть прав и судов духовных костелов Божиих, которие водле стародавного обычаю и поданья привилев продков наших и наших господарских князем бискупом архиепископом владыком их милости судьям в том панстве Великом Князстве прислушаеть; то при моцы зоставуем и заховаем теж вечными часы. К тому теж права и обычай в судех земль Великаго Князства Литовскаго стародавных Подляшских, Дорогицких Белско-Мелницкое заховываем во всем, подлуг наданья привильев, их ни в чом не нарушаючи; над то права майдеборские яко в месте нашим столечном Ви ленском, так и во всих иных местех того панства нашаго Великаго Князства Литовскаго в целости заховываем. А на утверженье и моцность сего нашого привилья, подписавши его власною рукою нашою, печать нашу к нему привесити есьмо казали. При том были и того добре сведоми: князь Вадериян, бискуп виленский; князь Юрей Юрьевич Слуцкий; князь Януш Андрошевич, бискуп луцкий и берестейский; княз Станислав Кгабрыяловичь, бискуп жомоитский; пан Миколай Радивил, воевода виленский, маршалок земский, канцлер Великаго Князства Литовскаго, староста берестейский, пан виленский, гетман наш дворный Великаго Князства Литовскаго, староста городенский; пан Григорей Александрович Ходкевич, воевода троцкий, гетман наш наивыший Великаго Князства Литовскаго, староста мозырский, державца лидский, белицкий, сомилашский, пан Миколай Юрьевич Радивил, староста жомотский, державца плотельский; пан Ян Еронимович Ходкевич, воевода киевский, маршалок Волынское земли, староста володимерский, князь Костентин Костентинович Острозский, воевода новгородский; пан Павел Иванович Сапега, воевода витебский; князь Стефан Андреевич Збаразский, воевода подляшский, староста менский, державца литовский и межирецкий; пан Василей Тишкевич, маршалок дворный, подскарбий земский Великаго Князства Литовскаго, писар наш, староста шавленский; пан Остафей Волович; князь Александр Федоровичь Чорторыйский; князь Миколой Андреевич Збаразский, староста кременецкий; князь Андрей Иванович вишневецкий; князь Иван Любецкий Бабына; князь Андрей Петрович Масальский, подчаший наш Великаго Князства Литовскаго; пан Ян Шимкович, писар наш староста бельский; пан Юрей Александрович Ходкевич, маршакок наш Великаго Князства Литовскаго; пан Ян Шимкович, писар наш, староста тыкотинский; пан Петр Богданович Загоровский; пан Юрей Васильевич Тишкевича, державца волковыйский; пан Григорей Гринкович Волович, староста слонимский; пан Александро Федорович Владычка, державца бирштянский; пан Григорей Есифович Трызна; пан Михайло Тишкевич Козинский, городничий володимерский; пан Ян Гайко, писар наш, державца ошменский, винский, красносельский, а писар и секретарь наш, державца марковский и мядельский и куренецкий; пан Миколай Павлович Нарушевич, мечник наш Великаго Князства Литовскаго; пан Матей Петчевич, державца скерстомонский и росенский; и иные панове врадники, державцы, тивунове земли Жомоитское, хоружие послове зо всих земль и поветов того панства Великаго Князства и множества шляхты рыцерства нашого и обывателей здешних, яко на сойм великий вальный от нас листы нашими позваными и обраных, а иных панов рад наших князей панов панять, врадников старост и иного рицерства, ач на тот час для собранья у войско против неприятеля нашого великаго князя московскаго пры нас их не было, ведже на то все што вышей в том привилью нашомь описано, через послов своих позволили. И на то есьмо дали всем станом обывателем Великаго Князства Литовскаго сесь наш привилей. Писан у Бельску лета Божъего нароженья тисеча пять сот шестьдесят четвертого месяца июля перваго дня.

Привилей Виленский, рок 65.

Чиним явно сим листом нашим нинешним и на потом будучим, кому будеть потреба того ведати, альбо чтучи его слышети. Иж будечи нам господарю на великом сойме валном в месте нашем столечном Виленском с паны рады нашими духовными и свецкими князи паны, врадниками земскими и дворными, и зо всим рыцерством земль всего панства Великаго Князства Литовскаго, где прикладаючи потребы Речи Посполитое того панства нашого донесли просбы свое межи иными речми покорным чоломбитьем ку нам господарю вси станы сполне и одностайне; иж быхмо для способу лепшого и отправы поспешнейшое вь справедливости людской статут новый, от нас господаря на сейме валном у Бельску року прошлого выданный и привильем нашим утвержоный, в скупечное уживанье привели. А с тым статутом судовым отправити казали, а приводечи ку болшому порадку Речы Посполитое, што быхмо на выбранье послов соймом вальным и иным потребам земским належачих дозволили и допустили в поветех, то ест где кольвек вряды судовые засажоны, и где потом через нас господара засаженье врядов судовых з их прозбы и зволенья дойдет, сойм малы ку бранью всех обывателей в каждом повете мевати; и на тые соймы поветовые всим паном радам нашим князем паном врядником земским и дворным и всим станом народу шляхецкаго и стану рыцерского, где в котором повете оселость мает, на часы через листы наши назначоные поветовых справ поступок и обычай заховыван ест в панстве нашом Коруны Польское. Ино мы господар дознавши неодно через весь час панованья нашого, але ку памети и вспоминанью годному приводечи, же з давных веков, за щастливого панованья славное памяти продков наших Королей их милости и Великих Князей Литовских, собрали яко продков велебных, в Бозе вельможных панов рад их милости духовных и свецких князей панов врядников земских и дворных, и всего рыцерства родичовь и обывателей земль всих Великого Князства Литовского, цнотливых и верных а пожиточных послуг в Речи Посполитой, так жо на тот час и всех будучих ку нам господарю пану своему прырожоному и ку каждым потребам земских, которыми не только за страченьем маетности але в немстованьем здоровья и горл своих мужне стале заставуючись, так радами мудрими, яко и кождою ростропностью а моцною учинностью противко кождому неприятелю нашому нам господарю и Речи Посполитой добре заслугуючи, подобали и подобатися не переставают; а для таковых верных цнотливых к нам миле вдячных заслуг умыслили есьмо, не толко таковых потреб Речи Посполитое належачих не отмовляти, але еще завжды щодробливе, яко есьмо звыкли причиняти и примножати хочем и обецуем, а бы вжо тымь статутом новым судили и справовалися вси станы однаким порадком в поветех и на местцах головиейших, поветом и судом поветовым розложоных, зъеждчатися и збирати князем паном радам нашим врадником земским и дворным и всему рыцерству, хто в котором повете оселость маеть, дозволяем за обосланьем и листы нашими господарскими, зъехавшисе в потребах Речи Посполитое, радити обмовляти и обмышляти, о чом им от нас господаря ознаймено будет, и с того ж такового зобранья намов сполных послов обирати, и на сейм великий вальный звыклый в том панстве нашом, кгды листы нашими господарскими местце таковому сойму ознаймено и зложоно будет, выправляти и через листы послов потребы Речи Посполитое и кождого зособна повету до нас господаря приносити, во всем справуючись потому, яко в панстве нашом Коруне Польской обычай около таковых зъездов соймов поветовых отправленье послов и отношенья потреб Речи Посполитое на сейм вальный перед нас господаря заховывается. А то все так справы судовые у повете, яко теж и соймы в тых же поветех, яко вышей описано маеть оть нас господаря заховываться и потомков наших великих князей литовских вечне и непорушае держано быти, а с того права и пороадку не маем никого вызволити и ничим отменяти. Якож на утверженье и моцность того привилья нашого, подписавши его власною рукою нашою господарскою, печать нашу к нему привесити есьмо казали. Дано и деялосе на валном сойме у Вильни пры бытности панов рад наших духовных и свецких, и теж князей панов врадников земских и дворных, лета Божъего нароженья тисеча пять сот шестдсят пятого, месяца Декабря тридцатого дня. Лета Божъего нароженья тисеча пять сот шестдесят шестого, месяца Іюля, первого дня.

© Валерый Пазднякоў, 2010, 2015