Дакументы: Статут Вялікага Княства Літоўскага 1566 г. Паправы 2
Статут Вялікага Княства Літоўскага 1566 г. Паправы 2.
Шкрутениум.
Забегаючи тоже великой несправедливости людей злых превратных, абы нехто несмел речей зъмышленных славе и почстивости дотъкливых на людей невинных въкладать и в книги вписать.
Уставуем, хтобы кого позвал до права о речь крывавую, што бысь дотыкало горла и почтивости и доброй справы людской, а сторона обжалованная, выдячы собе в том крывду и невинность свою, холтел бысь того отвести; таковым кождым, хто бы был обвинен, ставши до права на шкрутениум, то есть на испытованя и на невыдане речи правдывое, взяти сбе может. И суд кгродский допустивши того маеть две особе з врядников земских присяглых им позволившы на таковое опытане вывести, а если бы врядников земскых до таковой справы мети не могли, тогды вряд сам, кого бы розумел людей побожных и ростропных, таковым то злецити через лист свой маеть, положивши сторонам, рок певный, на который тые депутати на месце оное, где ся то стало, зъехати до обу двух сторон будут повинни, маючи при собе возного и шлахътичов кылка. А тым зъехавши виведане пылное учинити в наиблыжших суседов у шляхтичов у панов самых и врядников их у слуг у поданых, и в кого же колвек иного хотя и в преежджжаго человека, которому бысь притрафило на он час, кгдыся то стало, быти, толко бы у людий верных годных, не выймуючи с того жадной особы так духовного якого и свецкого стану человека, которые повинни будут маючи пред очима своима боязнь божую и сомненя доброе прирекши и шлюбывши словом своим добрым и под сумнениям узнавати то, чего будут в оной речи правдиве ведоми. А што на он час тые сведки з обудвух сторон сведоме, так с поводовое яко и з обжалованное стороны, сведчити и зознавати будут, а при том опытоване стороны быти мают; и то все тые депутати, которые на таковое опытоване выйдут, мають достаточне списати, докладаючи всего, яко час и месце и вси подобенства, а потом обоем сторонам на писме под печатми своими и с подписом рук своих на листе затворенном, абы стороны не ведали, што написано будет, дати мають, с которым съведецством обое стороны на пръшие роки кгродские припозвавшися пред врядом становитися мають, также суд маеть узнати чый вывод и сведецство будет слушнейшое. А где бы ся то в суде показало, сторона поводовая кого невинне кроие значное слушное причины в таковой речи доброй славе дотклыве обжаловала и в книги вписати дала; таковый каждый за такую потварь маеть быти сказан на вязене у вежи на пол року, и к тому стороне за все шкоды и наклади без доводу сто коп грошей заплатити будет повынен заразом. А сели бы сторона апеловала; тогды суд кгродский, списавши по достатку всю тую справу, на вырок до нас господаря на сейм одослати маеть. Опроч таковых особ, хтобы на явном учинку то есть на разбои на кгвалте невест также и на мужебойстве а на злодействе был пойман; такового вряд и до нас не отсылаючи ведлуг заслуги кождого карати маеть. А кгды вже вряд до нас таковую справу, яко ся вышей поменило, на сейм за аппеляциею отошлет; мы с паны радами обоего народу то судити маем. А по сказаню нашом кгды обжалованый волен будет; тогды таковую ж жалобу и оповедание, што будет поводовая сторона на обжалованя до вряду принесла и в книги вписати казала, мает сказати с книг вынести и скасовати, так яко бы наменший знак иноти (sic) оной справы в книгах не зостала. А иж бы всем ку ведомости приходило, про то абы на врядех наших так кгродских яко и земских, при собраню шляхты тыи артикулы читано и в статут вписаны, и тым порядком абы сужоно и отправовано было, про то и моцную того сейму тое ж даня утзердивши далисъмо сес лист под печатью нашею и с подписом руки нашой. Писан у Варшаве на сейме валном корунном, дня 3-го, месяца Марца року 1578, кролеванья нашого второго.
Конституции сейму Варшавского року 1570 осмого.
Стефан, Божию милостию король польский, великий князь литовский, прусский и руский, жеиоидский, киевский, волынский, флянский и семигродский и иных сторон дедичь.
Ознаймуем всем вобец и кождому зособна, кому бы то ведать пореба, иже мы ведлуг повинности нашей королевской, опатруючи потребы Короны Полской той, над которую нас Бог приложити рачил, а о том мышлячы абы в ней так домовый вряд як обеспеченство от неприятеля было, иже бысми дома добрый порядок постановившы спадней неприятелевы отпор дати могли и крывд явных, которыи терпят речь посполитая сполнаа народу полского и литовского, за посегнянем и оторваня замков и земль през неприятеля, поветовать, зложили есмо сейм валный всем станом тут до Варшавы, на котором за радою панов рад наших обоего народу и зезволеням послов земскых, напруд ведлуг конституцыи давной пред постановленям нашим учиненой и рекцесов сеймов прошлых около справедливости, на которой ряд весь домовый належить, и которой вси добрыи обычаи в каждой речы посполитой походять, постановленя нижей описании учинили.
Артыкул 1.
Порядок до обираня судей.
В кождом воеводстве и земли, на котором месцу где ведлуг старого звычаю обирают особ судовых, назначаючы моцно нынешнего сойму день и час той: впершый понеделок по нароженю панны Марии в том нынешнем року, а потом на кождый рок того же часу, до обираня судей судов валных постановленных трибуналу коронного, а Познанскому и Калискому, а Радиеве Плотскому воеводству, в среду Сендомирскому и Раценжу, Мазовецкому в Варшаве, Равскому в Болемове, Львовской, Премыской, Синоцкой, землям в Вышни, а Холмской в Холме и в Галичу судии обирати мають, ведже Холмская в Холму напрод, а потом Галицка в Галичу обходитись тым порядком мають, воеводство Подляское в Дорогичине, а в земли в Добринской в Липне в понеделок пред святым Балтромеом, час до того ж назначаем и в иншых воеводствах и зеилях, где судии земскыи обирают, а до тых судов валных судии обирани быти мают.
Артыкул 2.
О выбираню судей.
На которых сеймыкох вышей менованных кождое воеводство обырати сполне мают и будут повынни межи собою особу одну годную богобойную цнотливую, права и звычаев судовх оного краю умеетного и оселого: а з воеводств больших, то есть Познанского, Семыкгродского, Сендомырского, Калиского, Плотского по дву, з Рускаго также двух, с которых один в Вышни, а другий такый раз в Холме а в Галичу, яко вышей описано, из Мазовецкого тры, только тот раз один, а потом по два; з Равского дву, с Подляшъского дву, а з земле Волынской Добринской по одному, Зовцынское, и Заторское также одного, до тых же судов постановеных коронных обырати мають. А тых судей обыране маеть быти, кого кольвек годного быти найдут. А кгды би который таковый был обран с тых, которыи на иншых судех сидят, а естли бы ся притрафило справа з рушеня або апеляциа от которого з ных, тогды тот на той час на суде в той справе вотовати маеть и выйти, кгды иные вотовати будут, повынен будет. Также обрании судии до других толко судов тривати мають, а иныи на иных иесцах до того часу и суду або трибуналу валного обранти быти мают часу и дня обыраня тых судей вышей означоных. А жаден з алектов повторе на суде не мает быти обыран до лет чотырох, опроче того где бы ся в котором воедводстве на того же вси згодили, а жаден абы тому не был протывний, а иже бы ся того поднял, упросили.
Тыж если бы теж в котором воеводстве для которой справы причини яко колвек алекциа не дошла, або смерть або хороба которого електа закрочила, зыншых воеводств обрани судии и справы оного же воеводства отправовати будут, неоглядаючися на небытность судей тых, если бы с которих воеводств обрани не были.
Артыкул 3.
Присяга судий.
Тамже предъречонии суде в воеводствах и в землях обрании, зъехавшыся на час и месце судов назначоное, мают при суде земли оное и при вряде судовом и старостином ротою судии земского в статуте описанною присягнути, того доложивши, иж практыкованя жадних причын з не с ким чинити не мают, а ни престрокги а не ради давати, а не подарков давати, и теж бы ся о то не старал, абы на тыи был суды обран.
Артыкул 4.
Яко судити мают.
Судити мают справедливе з рейстру по воеводством, яко вотуют, не отстреляючися от права посполитого, яко которая земля уживает, Бога и справедливость его святую пред очима маючи. А судии декрет с письма θеровати будут, на котором два албо три суде подписатись мают. А где бысь трафила розность або ровность вот, мают заразом двай и три знову през вотованя пустити, и при той стороне замкненя зоставити маеть, котораа за собою доводов правных большей будет мела, а потом болшаа сторона замыкати маеть. А ижь вси справы панов духовных, которыи кольвек в земстве в кгроде в уряде подъкоморском ведлуг права писаного сужоны быть мают, и будут з рушеня або апеляции яким колвек иншым обычаем припали, або припадати будут, пред тым же трибуналом подле права посполитого отправованы быть мають. Про то до тых самых отправованя панове духовныи шесть духовных судей с посродку обрати мают, которыи присягою обязанием тым же при том трибунале в тую же роту на евангелию быть мают, с которым до тых же толко справ духовных шесты свецкых, теж оних же судей с посродку высажоных присяжныи быти и тыи справы судити мають; а тым подае права судячи колко разов през вотованя пущаючы, яко найпервей замкненям учинити большую часть с тых дванадцати мают. А где бы была розность вотов; тогды маеть быти отослана на сейм для декрету, котораа згодность або ровность депутатов тых, где бысь до другого сейму на поправу з года не дошла, тогды тоть способ трибуналу маеть зостати, докулся што лепшого через вси станы не найдет. Десятины по именях шляхецкых, тым же спобом, яко и теперь суть, нечого не взрушаючы до угоды, котораа маеть быть на сойме, откладамы, а вже таковый декрет, або декрета того трибуналу, таковыя важности быти мають яко и соймовыи. А если бы хто хотел притивитись декретовы так и справу особе ожаловати на сойме, або за переводом пред нас господаря принес; тогды таковый каран быть маеть яко неслушный взрушитель декрету. А иж панове духовныи скаржат же за их осведченям судом остатнего стопня права, а не подле права против им и именях презыски превожоно; тогды старостове от екзекуций и таковых презысков суперседовати мают до узнаня нашего презысков на сойме.
Артыкул 5.
Што судити мают и як.
Судити мают справы вси и каждый зособна от судов земскых в справах до розделеня добр вейцовых през рушеня апеляции отосланя лимитации и иншым яким колвек обычаем, и вси иншыи, которыи колвек на сойм албо за двором нашым кролевским так и урядов яко з урядов з стороны учиненя екзекуции и декрету, або декрету суду валного трибуналу коронного, того остатнего стопня правного в тых речах, которыи судовы того трибуналу судити належит и сужоны бы были, и иншого обтяженя з судов або з урядов старостах и врядников их, причыненя справедливости учиненых тых всих прав, которыи будут на судех, остатнего стопня права будет в земтсве або в кгроде пересужоныи и до места старостего для чыненя екзекуции отосланя, где бы подлуг тихже ремесу або отосланя без вшеляких отволок екзекованы не были, також справы которыи от которых колвек трибуналов остатнего стопня права прошлых воеводствах уфаленных припадали, и иншыи вси справы которыи колвек так з давных як и новых позвов припадати будуть. А там вже пред тым судом вси стороны в своих справах судовых роков, и роки будут мели водле их апеляций и рушеня позвов припозвов, так завытых яко и не завытых з отосланя лимитаций, и иншых въшелякых стопнех правных, яко тут на сойме або за двором, также и на судех от остатнего стопня права которых колвек воеводствах мети мели, жадных не выймуючы, водле их позвов припозвов контроверсий декретов апеляций и иншых понктов правных, жадного не выймуючи, и всих тых акцей справы жадной стороне справедливости не уближаючи а ни уймуючи.
Артикулие поправы статутовыя на сойме Берестейском, року 66.
Артикулы поправы статутовыи, которыи з волею Божею и ведомостью господаря королевской его милости, Великого Князя Жикгимонта Августа, с потреб прав земскых панства королевской его милости Великого панства Литовского, за зволеням панов рад наших их милости того панства духовных и свецких, также князей панов врядников его королевской милости, панов послов земскых и всих станов сойму, на сойме великом валном Берестейском поправленыи, которыи их милости панове рада и вси стани на сойме Берестейском поправившы през старосту Жомоидского маршалка земского Великого Князьства Литовского державцы Плотенского и Тельшевского пана Яна Ходкевича ку его королевской милости листи до Люблина прислать были рачили, где господарь его милость тых артикулов оглядавшы и их ухвалившы, моцу сейму Берестейского до статуту прав новых вписати росказати рачыл, умоцняючи то, иж хотяй бы и в статуте што тым артикулом нижей описанным было противного, тогды вже тыи артикулы през в статуте описаных справах такых никоторыи моци в жадного права мети и держаны быти не мают, але тими артикулами нижей описанными зо всеми станы Великого Князьства Литовскаго и всей земли того панства належачими радити и справоватся мают.
Артыкул 9.
В розделе 3: около неданя чужоземцом достоинств врядов и оселостей.
Теж таки мы господарь обецуем и шлюбуем под присягою нашею, которую чинилисмо Великого Князьства Литовскаго всем станом обывателем его, што ж в том панстве Великом Князьстве Литовском и всех ему прислухаючых достойностей духовных и свецких, городов и дворов волостей и кгрунтов, староств, держаней, врядов земскых и дворных и поживаня вечности и жадным обычаем людем а ни заграничником того паньства давати не маем, але и всеми потомки нашыми Великими Князьми Литовскими маем и повинны будем давати толко Литве, Руси и Жемуиды, родычом старожитным Великого Князьства Литовского. А еднак же если бы хто с чужоземцов або заграничников заслужився нам господарю в той речы посполитой Великого Князьства Литовского поточныи и славныи послуги чинили и оказали; таковым людем якого они будут народу мы и потомки наши Великие Князи Литовские на сеймех валных с тутошных мест Литовских за радою и позволеньем всех рад нашых панов, и те ж за позволением всех станов земскых сойму Литовскому валному належачых, оселостей вечных и дочастных ведлуг годности и заслуги давати будем. А однак же тыи сами и потомство их будучи обывателми препущенными сего панства Великого Князьства Литовского службу земскую тому ж панству до жадных достоинств и врядов духовных и свецких не мают приходити, а ни отх нас господаря припускати або становити, толко зъдавна с продков своих уроженцы Великого Князьства, Литва, Русь и Жомоидь яко выше доложоно есть. И если бы одержал иншого албо обчого народу чловек албо потомок который колвек уряды духовныи и свецкие противко сему статуту, а напомененный того пустити не хотел; тогды таковый не одно достоинство и уряд але и именя и маетность свою всю тратит на нас господаря Великого Князя Литовского. [Пасля прыведзены арт. 1 и 2 раздзела 7 Статута ВКЛ 1566 г.].
Артикулы справ судовых з Статуту Польского през панов коронных ухвалены и постановлени.
Вынявшы справы судов польских належных, которыи ся ткнут поцтивости, а которыи судовы нашему на сойме належати будуть, и где бы хто з справы простой справу, которая ся ткнет почтивости, чинил, на суд за двором кого позвал або вызвал; тогды гды будет узнана през нас на сойме быти справа простая, и маеть таковый вызивачь вину сиженя у вежы и сто гривен попасти и шкоды ведле конституцие, а справа маеть быти отослана до права належачого. А еднак же в артикулех, которыи ся тикают поцтивости, на судах и роках гродскых спеляциа маеть быти до судов валных остатнего стопня права трибунальского, вынявшы теж справы скарбовыи ведле конституции роков 1562 и 1566 учинении, и выкупна добр кролевских, которыи судовы нашему зоставуеми. А если бы хто старосту або державцу позвал о кгрунты наше, которых державца або староста четвертую часть дает, або под ревизею и мостраню (sic) подпали або подпадали, тако ж которыи в старых сумах есть записаны; о таковыи добра маеть суд отослати на сойм, для узнаня нашего, а нам самым о добра наше ведле статуту чинити и доходити волно завжды будет. Тако же о невыданя четвертой части и о добра без права взятии на сойме маем, вынявшы теже справы права майдеборского, немецкого и хелмского, которыи за остроженя речы в статуте описаных судовы нашему належати будут з строны презысков на тот час одержаных, против местам, так теж мещане против шляхты, то ся заховати мает до узнаня нашего, яко около презысков духовных есть описано.
Артыкул 6.
Выведованя.
Выведованя справ, которыи ся ткнут поцтивости, мают быть за припозваням строны през сторону на земскых або на гродъскых роках судов того повету, где бы таковый учинок пополнен был, што первей будеть по обведеню того пополисного учинку выправована, а то для того куды сторона сторону позовет на сойм, абы там вже обидве стороне были з выведаням готовым до рихлого отправованя справ. А иж бысь справы тыкаючи поцтивости на сейме завжды отсудити и отправовати моглы; тогды от початку сейму, который на назначоный день листы своими припозициею зачинатися маеть завжды и по припозиции и отправованю при послах земскых, вот сынаторских, ти день цалый день подле дня маем мети волный до суженя тикаючихся поцтивости справ а потом поколь одно сейм будет, маемо отправовати тыи поменении справы, на кождую среду пятницу и суботу не омешкаючы о них справ сеймовых належачых, а звлаща жадным правом и квалт суженя подле конституции Любелской, року 1569.
Артыкул 7.
Мейца судом.
Великой Полщи Петрикову, до которого тыи воеводства належати будут: Познаньское, Калисское, земля Волынская, Лечинъское, Береское ино Влацславское, земля Добринская, Мазовецкое, Плотское, Равъское; в Малой Полщи Люблин, до которого тыи воеводства належати идут; Краковское, Сендомирское, Руское, Подолское, Любелское, Подляшское, с тым докладом, иж тые же судии судивши Великой Полски воеводства в Петрикове, мают зась ся изихати на час нижей назначоный до Люблина, а також и там осудити мают Малой Полски воеводства.
Артыкул 8.
Беспеченство судов и сеймиков.
Пред который то суд особа жадная которого же колвек стану и заволаня, котораа бы акцеи правной не мела, входити не маеть, аже кого з рейстру заволают, до справы своей приступати и до кгмаху входити не маеть, толко самочварте найбольшей входити маеть то есть сам с прокуратором а два приатели. А если бы который упорне вшол, або в дому судовом воланя чинил; тогды маеть на нем сказана вина двоякаа чотырнадцать гривен, которую зараз под таковою же виною не отходячы от суду положити судовы повынен 6удет, яко против непослушному екзекуциа речы осужоныи, и так маеть при вотованю, абы жаден не зостал о прочь тых, которие до того суду присягли. Теж жаден так насеймику обыраня судей яко и на месце, где суди будут справовани, аби не смел приеждати и приходити зъбройне и не з жадними иншими бронми кроме меча корда шабел шпакги, а хто бы сиел стрелбою, и або з якою иншою бронею вшелякою приехати, абы з нею ходити; таковый абы пятмадесять гривен был каран выною завыте неотходячи от суду або от сеймику, под выною чотырнадцятма грывнами, або если бы отъслан на екзекуцею ведле справы до мейсца старостего. А где бы хто на сеймику обыраня судей або судии, або теж во трох недель пред зачатием суду нашого, або теж во трох недель по отсужоню, яко быти протывному; (sic) не иначей одно яко бы той на сейме при нас учинил.
Артыкул 9.
Часу судов.
Суды на пруд початись мают в Петръкове в понеделок близкых по светом Мартине, в понеделок близкий по проводной недели, а кончитися мают покол ся не скончать; а еднако же абы зыншых судов нижшых стопнев под тым часом улженя судов валных трибуналу остатнего стопня права отправовались. А Мазовецкы суды до остатнего стопня права, которыи первей судят, як ся зачали скончитись мають, декрета и справы тых судов в Петръкове печатю земскою кгродскою, а в Люблине печатю земскою Любелскою мають быти печатованы, тако ж яко ся звыкло при судех кролевских.
Артыкул 10.
Утвержение декретов.
А декреты тых всех судов остатнего стопня воеводствах о сужоныи, которыи и на потом осужоныи на тои валном суде трибуналу будут, опатруеми и утвержаеми такым варунком, яко суть опатроние суди новыи на тот один раз за Короля Жигмонта Августа ухвалении декретом сеймовым Варшавским остатнего дня Марца року 1564 учиненым, яко тот декрет сеймовый в собе сам обмовляет в тыи слова. Иж который колвек на сейм, або теж пред вряд, або теж перед нас за двором яким колвек обычаем был позван от кого же колвек ку скоженю; таковой сказни подле ради и нацеи и ухвалы сейму пройшлого Петръковского учиненное от позвов и от речы волен быти маеть и есть. А если бы еще на то хто упорный быти хотел, а приповедался на таковыи позвы, и на них если бы што в не послушенстве содержал; таковыи не мають мети неякои волности и быти не может ку жадной шкоде некому а не през уряд старости и екзеквованы быти мають. А если бы теж за приповедаиием до суду чыим позваный на таковый позов станул, тым не отходячы сам або прокуратор его будеть повинен положить вини сто гривен, половица стороне а другая до скарбу нашего быти маеть. А где бы досыть за поменении речи неучиненной; таа справа маеть быти отослана, где добра стороны поводовой лежить, до остатнего дни и скутечного выконченя вин, а прокуратор маеть быти сказан до веже на тый день сидети на дне там, где бы таковые речи через нас были сужоны.
Артыкул 11.
Повинность суду земского.
Прихиляючися до права посполитого и звычаев давно захованных, гды ж тот суд отправовати маеть, што наперед тым при судех наших королевских отправовано бывало, мается до того суду зъехати судя и подъсудок писар оного воеводства, в котором отправовани будут, а тим присягши таемним а и в том судовым всю тую повинность на собе относить мають, которую нижели пред тым при судех сеймовых або дворных и конуы судей наших инших за пробациею декретом обирати и отсылати мають, еднак же вотованя на тых судех меть не мають.
Артыкул 12.
О позвех пред тот суд.
Позвы мают быти под титулом нашим кролевским а под печатю той земле, в которой позваный оселость маеть, а кладеня маеть быти на нем 2 недели пред роком.
Артыкул 13.
О записах и протастациах.
Записы сознаня осведченя и реляции въшелякие так мають быти важныи и пред тым судом сознаня, як сеймовыи або земскии.
Артыкул 14.
О екзекуции декретовъ
Старостове и урядникове их вшелякии декрета повинны ведле приекзековати под вынами описанными.
Артыкул 15.
Опатреня судей.
Тыж судии от кождого декрету, за ким выйдет, по 15 грошей брати мають, а от екстриктов плаченя маеть быти ведлугь статуту, а панове духовныи депутатом своим опатреня дати мают.
Артыкул 16.
Поправа трибуналу так есть.
А трибуналу того посполитого корунного поправа завжды маеть быти волна за зазволеням съполным на сойме.
© Валерый Пазднякоў, 2010, 2015
Надрукавать Надрукаваць без ілюстрацыйДадаць меркаванне
